Նովակ Ջոկովիչը եզրափակիչում է
Աշխարհի առաջին ռակետ Նովակ Ջոկովիչը դուրս է եկել թենիսի Տոկիոյի մրցաշարի եզրափակիչ։ Սերբ թենիսիստը 1 ժամ 31 րոպեում առավելության է հասել Բելգիայի ներկայացուցիչ Դավիդ Գոֆենի նկատմամբ՝ 6:3, 6:4։
Ջոկովիչի մրցակիցը եզրափակիչում կլինի Ավստրալիայի ներկայացուցիչ Ջոն Միլմանը, որը կիսաեզրափակիչում պարտության է մատնել ամերիկացի Ռայլի Օփելքային՝ 6:3, 7:6 (7:4)։
Տոկիոյի մրցաշարի մրցանակային հիմնադրամը 1,9 միլիոն դոլար է։
Անցած տարի այս մրցաշարի հաղթողի կոչումը նվաճել է ռուսաստանցի Դանիիլ Մեդվեդեւը։