Ես մարդկանց կյանք եմ փրկում, ես բանտերից եմ ազատում. Արա Աբրահամյան (Տեսանյութ)
Ռուսաստանի հայերի միության նախագահ, գործարար Արա Աբրահամյանին մտահոգում է, որ հայերը կորցնում են իրենց ինքնությունը։ Այսօր՝ հոկտեմբերի 1-ին, լրագրողների հետ զրույցում նա ասաց.
«Մենք մեր հայկականությունը կորցրել ենք, մենք չգիտենք մեր տոնակատարությունները ոնց են, մեր հայկական պարերը, մեր ինքնուրույնությունն ենք կորցրել։ Ես կնունքի եմ մասնակցում, հարսանիքի եմ մասնակցում, ամեն մեկն անում է այն, ինչ ուզում է։ Մենք պետք է մեր 1000 տարվա գաղափարախոսությունը գրենք, թե ինչպիսին հայը պիտի լինի, որտեղ պետք է հասնենք, ինչպես պետք է վերաբերենք, ինչ է նշանակում վատություն, չարություն, ինչ է նշանակում մյուսի դժբախտության վրա ուրախանանք, դժբախտությունը ուրախացողի տունը կգա, անպայման կգա, թող սպասի։ Ես մարդկանց կյանք եմ փրկում, ես բանտերից եմ ազատում»։