Արքայազն Էնդրյուն կարող է հայտնվել աղմկահարույց սկանդալի կենտրոնում
Արքայազն Էնդրյուն կարող է ավելի մեծ չափով ներքաշվել մուլտիմիլիոնատեր Ջեֆրի Էփշթեյնի գործի շուրջ ծավալված սկանդալի մեջ. ԱՄՆ-ի ոստիկանությունը որոնում է անչափահասների սեռական բնույթի առեւտրով զբաղված հանգուցյալ ֆինանսիստի մյուս տուժածներին, հաղորդում է PA-ն:
Sunday Times-ի հաղորդմամբ՝ ՀԴԲ-ն ընդլայնել է սեփական հետաքննությունը Էփշթեյնի մասին ավելի շատ տեղեկատվություն հավաքագրելու համար, որը կնպաստի տեղեկություններ ներկայացնել նաեւ Յորքի հերցոգի մասին:
Թերթը գրում է, որ ԱՄՆ-ի իրավապահ մարմիններն ակնկալում են հարցաքննել ավելի մեծ թվով տուժածների հաջորդող երկու ամիսների ընթացքում, իսկ Սքոթլանդ Յարդը պատրաստ է աջակցել այդ հարցում:
Ինչպես հաղորդում է պարբերականը՝ հղում կատարելով ԱՄՆ-ի Արդարադատության նախարարության սեփական աղբյուրներին, ՀԴԲ-ն որոնում է մի քանի պոտենցյալ տուժածներին՝ հույս ունենալով ստանալ ավելի մանրամասն տեղեկություններ Էփշթեյնի գործում արքայազն Էնդրյուի ներգրավվածության մասին:
Իր հերթին Սքոթլանդ Յարդի թագավորական անվտանգության նախկին ղեկավար Դեյ Դեւիսը հայտարարել է, որ այդ գործի լիարժեք հետաքննությունը բխում է հենց արքայազն Էնդրյուի շահերից: