Քննչական կոմիտեն հայտարարում է, որ Hayeli.am կայքում հրապարակված լուրը չի համապատասխահնում իրականությանը
Hayeli.am կայքը՝ հղում կատարելով իր աղբյուրներին մանրամասներ է հայտնել ՀՀ նախկին ոստիկանապետ Հայկ Հարությունյանի մահվան դեպքի մասին։
Կայքի ունեցած տեղեկություններով՝ դեպքը տեղի է ունեցել վկաների ներկաjությամբ: Հայկ Հարությունյանը ներկաներին ասել է.«Գլխավոր դատախազն ու Սասուն Խաչատրյանը կյանքս կերան էս մի քանի ամիս է, ինձ պարտադրում են սուտ ցուցմունք տալ Ռոբերտ Քոչարյանի և Գեղամ Պետրոսյանի դեմ, ախր նրանք մեղավոր չեն»:
Հրապարակմանն անդրադարձել է ՀՀ ՔԿ տեղեկատվության և հասարակության հետ կապերի վարչության պետ Նաիրա Հարությունյանը։
«Հայտնում ենք, որ Հայկ Հարությունյանի մահվան դեպքի հանգամքները պարզելու նպատակով հարցաքննվել է դեպքի վայրում նրա հետ գտնվող անձը:
Վերջինս հայտնել է Հայկ Հարությունյանի հետ ունեցած խոսակցության բովանդակությունը, որը առնչություն չի ունեցել Մարտի 1-ի դեպքերի առթիվ քննվող քրեական գործի շրջանակներում նրա վրա ճնշումներ գործադրելուն և առհասարակ որևէ անձի կողմից ճնշումներ գործադրելուն:
Քննչական կոմիտեն հայտարարում է, որ Hayeli.am կայքում հրապարակված լուրը չի համապատասխահնում իրականությանը և լրատվամիջոցին հորդորում է զերծ մնալ չճշտված տեղեկություններ հրապարակելուց:
Հիշեցնենք, քիչ առաջ Operativ լրատվականը հղում կատարելով Armlur.am կայքին, հաղորդեց, որ հայտնաբերվել է Հայկ Հարությունյանի դին: Հիշեցնենք, նա ՀՀ նախկին ոստիկանապետն է:
Ապա հայտնել էինք նաև, որ Հայկ Հարությունյանի դիակի մոտ հայտնաբերվել է հրազեն. Քրգործ է հարուցվել ինքնասպանության հասցնելու հոդվածով :