Հարց ՀԿ-ներին՝ ի՞նչու էիք առաջ բողոքում, երբ փակ քննարկումներ էին արվում. Ստեփան Դանիելյան
Հասարակական կազմակերպությունները եւ Նիկոլ Փաշինյանը հանդիպել են ու քննարկել են մի շարք հարցեր, բայց պայմանավորվել են, որ քննարկումը փակ պետք է լինի։ Այս մասին իր ֆեյսբուքյան էջում գրառում է կատարել քաղաքագետ Ստեփան Դանիելյանը։
«Հասարակական կազմակերպությունները եւ Նիկոլը հանդիպել են ու քննարկել են մի շարք հարցեր, բայց պայմանավորվել են, որ քննարկումը փակ պետք է լինի, իսկ ինչ խոսացել են, չպետք է հանրայնացնեն։
Հաստատ ռազմական գաղտնիքներ չեն քննարկել։
Դրանից մի շարք հարցեր են առաջանում։
Հարցեր Նիկոլին.
- ի՞նչ ունես թագցնելու հպարտ քաղաքացիներից,
- ուր մնաց ուղիղ ժողովրդավարությունը,
- հանրային վերահսկողության սկզբունքն արդեն լուծարվե՞լ է։
Հարց ՀԿ-ներին.
- Ինչու էիք առաջ բողոքում, երբ փակ քննարկումներ էին արվում, իսկ հիմա դուք եք նույնը անում։ Արդեն ձեզ իշխանությո՞ւն եք զգում ու պողոսներից ցանկանում եք զատվել։
Հարց հպարտ քաղաքացիներին.
- ո՞ւեւ կորավ ձեր հպարտությունը, երբ ձեզանից գաղտնի ձեզ վերաբերող խնդիրներ են քննարկվում, ձեզ դնելով մտավոր հետամնացների տեղ, որոնց չի կարելի հանրային խնդիրներ վստահել»,–նշել է նա։