Sotheby's աճուրդի տանը ակնկալում են 5 մլն դոլարով վաճառել Շոտլանդական վիսկիի թանկարժեք հավաքածու

Շոտլանդական վիսկիի թանկարժեք հավաքածու է վաճառքի դրվել Sotheby's աճուրդի տանը։ Ակնկալվում է, որ այն կհաջողվի 5 մլն դոլարով վաճառել։

Sotheby's-ը կվաճառի The Ultimate Whiskey Collection-ը, որի մեջ ներառված է 467 շիշ եւ ինը տակառ, հայտնում է PA-ն։

Աճուրդային տունը հաստատում է, որ սա շոտլանդական վիսկիի ամենալիարժեք հավաքածուն է, որ շուկա է հանվել մասնավոր կոլեկցիոների կողմից։ Նա իր պատանեկությունն անցկացրել է Մեծ Բրիտանիայում, սակայն այժմ ապրում է Ամերիկայում եւ իր հավաքածուն ստեղծել է վիսկիների ամերիկացի մասնագետ Ջոնաթան Ռիդի օգնությամբ։

Հավաքածուում կան Bowmore, Highland Park եւ Macallan վիսկիներ, իսկ 60 տարեկան The Macallan վիսկին շշալցվել է 1926թ․՝ № 263 տակառից։ Այդ տակառից լցրել են ընդամենը 40 շիշ, եւ մասնագետների գնահատականով՝ միայն այդ վիսկին կարժենա 400 000-500 000 դոլար։

Առցանց վաճառքը կսկսվի սեպտեմբերի 27-ին, որի հանգուցալուծումը կդառնա հոկտեմբերի 24-ին Արեւմտյան Քենսինգտոնում կայանալիք կենդանի աճուրդը։