Մեր ռեկտորի հրաժարականից հետո հետ են վերադառնում լեկցիա թելադրող դասախոսները. Բողոքի երթը հասավ կառավարություն
Երբ Հայաստանի պետական տնտեսագիտական համալսարանի ռեկտոր Ռուբեն Հայրապետյանը հրաժարական տվեց, մենք տեսնում ենք, որ հետ են վերադառնում եւ դասաժամեր են ստանում այն դասախոսները, որոնք նախկինում եղել են լեկցիա թելադրողներ: Այս մասին հայտարարեցին Երեւանում բողոքի ակցիայի ելած ուսանողները, որոնք պահանջում են Ռուբեն Հայրապետյանի հրաժարականը:
Ուսանողները դասադուլ են հայտարարել եւ երթի են դուրս եկել դեպի Կրթության, գիտության, մշակույթի եւ սպորտի նախարարության շենք:
«Մենք սրան դեմ ենք, որովհետեւ մենք որակյալ կրթություն ենք ուզում: Իսկ որակյալ կրթության մեջ թելադրությունը բացառված է. կա ձայնագրության մեթոդ, կա էլեկտրոնային ձեւով փոխանցելու ձեւեր եւ այլն»,-ասաց ակցիայի մասնակիցներից մեկը:
Երթը մի պահ կանգ առաջ Կառավարության շենքի դիմաց: Ուսանողներից մեկը նշեց. «Մենք ցավում ենք, որ փոփոխության սաղմերը, որ Ռուբեն Հայրապետյանը ցանել էր Հայաստանի պետական տնտեսագիտական համալսարանում, ուղղակի ոչնչանում են: Մենք հիմա կանգնել ենք, որ չլինի անարդարություն»,-ասաց ակցիայի մասնակիցներից մեկը:
Համալսարանում սկսվել էին բարեփոխման գործընթացներ, սակայն այդ գործընթացը վիժեցրին: Այդ գործընթացների արդյունքում բացառվել են համալսարանում թելադրությունները, խնայվել է 200 մլն դրամի գումար, եռապատկվել են դասախոսների ժամավճարները:
Ամենակարեւոր բարեփոխումն այն է եղել, որ վերջ դրվեն խնամի-ծանոթով դասավորել ժամավճարների տրամադրելը: Առաջ ամբիոնի վարիչն ինքն է որոշել, թե դասաժամերն ում տրամադրվեն, այսինքն սուբյեկտիվ որոշումներ են կայացվել: Նոր համակարգ էր ներդրվում, մրցույթ էր տեղի ունենում, որի արդյունքներով լավագույն դասախոսներն իրավունք են ստանում մտնել լսարան: Այսինքն այն դասախոսները, որ բողոքում էին, նրանք 13 միավորից անցողիկ միավորը չեն հավաքել: Այսինքն դասախոսները լիկվիդ են մնացել»,-ասաց նա:
Ակցիայի մասնակիցները երթի ընթացքում վանկարկում էին «Հանուն արդարության, հանուն որակյալ կրթության»:
Հիշեցնենք, որ Ռուբեն Հայրապետյանին մեղադրում են ատենախոսությունն արտատպելու՝ գրագողություն կատարելու համար:
Ավելի վաղ ուսանողները հայտարարություն էին տարածել, որում մասնավորապես ասված էր.
«ՀՊՏՀ ուսանողները շարունակում են պայքարել հանուն արդարության, այս անգամ արդեն դասադուլի միջոցով։ ՀՊՏՀ նախկին ռեկտորի ժ/պ Ռուբեն Հայրապետյանի կողմից ներդրված բարեփոխումների գործընթացի ընդհատման պայմաններում բուհի ուսանողները հրաժարվում են մասնակցել հին, ժամանակավրեպ մեթոդներով կազմակերպվող ուսումնական գործընթացին։ Նոր ուսումնական տարին չի կարող մեկնարկել ուսանողների ձայնը լռեցնելու պայմաններում։
Ուսանողները դասադուլի միջոցով փորձելու են լսելի դարձնել իրենց ձայնը, աջակցությունը հայտնել ընդհատված բարեփոխումներին, բարեփոխումները նախաձեռնած թիմին և թույլ չտալ, որ բարեփոխումների անվան տակ ուսանողների անտեղյակ հատվածին մանիպուլացնեով՝ շարունակվի կամայականությունների ու կոռումպացված համակարգի արատավոր շղթան:
Եվ որպես նշյալ խնդրի լուծմանն ուղղած կարևոր քայլ՝ ուսանողները հայտարարում են մեկնարկող ուսումնական տարվա առաջին օրը՝ սեպտեմբերի 2-ին, համալսարանում դասադուլ սկսելու մասին՝ կոչ անելով բուհի բոլոր ուսանողներին պաշտպանել որակյալ կրթության իրենց իրավունքը»։
Ավելի վաղ Operativ լրատվականը տեղեկացրել էր, որ ՀՊՏՀ մի խումբ ուսանողներ այսօր՝ սեպտեմբերի 2-ին, բողոքի ակցիա են կազմակերպել և պահանջում են բուհ վերադարձնել ռեկտորի նախկին ժամանակավոր պաշտոնակատար Ռուբեն Հայրապետյանին: