Քեյփթաունի ափերից անհետացել են մեծ սպիտակ շնաձկները
Քեյփթաունի ափերից անհետացել են մեծ սպիտակ շնաձկները։ Վերջին 18 ամիսներին չի նկատվել ոչ մի շնաձուկ։ Փորձագետները գլուխ են կոտրում այս հարցի շուրջ, տեղեկացնում է FoxNews-ը։
Սպիտակ շնաձկները բնակվում են Հարավային Աֆրիկայի տաք ջրերում։ Bloomberg-ի տվյալներով՝ 2010-2016 թվականներին նկատվել է միջինը մոտ 205 շնաձուկ։ Բայց անցած տարի դրանց թիվը նվազել է 50-ի։
«Այս խոշոր գիշատիչների բացակայության վկայություններից մեկն է նաեւ այն, որ կետերի վրա նրանց կծելու հետքեր չկան»,- ասվում է Քեյփթաունի քաղաքապետարանի հայտարարությունում։ «Մենք չգիտենք, թե ինչպես նրանց բացակայությունը կազդի էկոհամակարգի վրա»,- ավելացրել են քաղաքապետարանում։ «Մենք նաեւ չգիտեմք դրանց անհետացման պատճառները»։
Համաձայն Քեյփթաունի զբոսաշրջային կայքի՝ դայվինգը վանդակում շնաձկների հետ «զբոսաշրջային զվարճությունների ամենատարածված տեսակներից է»։
Տեղի ԶԼՄ-ները տեղեկացնում են, որ շնաձկների անհետացման պատճառը կարող են լինել կետադելֆինները։
Ապրիլին հրապարակված հետազոտությունը հայտնաբերել է, որ մեծ սպիտակ շնաձկները լքում են իրենց «նախընտրելի որսորդական տեղանքը», երբ կետերը հայտնվում են այնտեղ։ Հետազոտողները հայտնաբերել են, որ շնաձկները չեն վերադառնում այդ վայրեր մոտ մեկ տարի: