Ռուսաստանում 5 ամյա աղջնակին գտել են. նա ողջ է (լուսանկարներ)

Երեկ երեկոյան 3 օրյա անընդմեջ փնտրտուքներից հետո կամավորներից և փրկարարներից բաղկացած 800 հոգանոց խումբը վերջապես կարողացել է ողջ և առողջ գտնել ՌԴ Նիժեգորոդի Վազնեսենսկի շրջանում անտառներից մեկում կորած 5 ամյա աղջնակին, հաղորդում է Ren.tv կայքը:

Ավելի վաղ ռուսական լրատվամիջոցները հայտնում էին, որ 5 ամյա Զարինան հյուր էր եկել իր հարազատներին ընտանիքի հետ միասին, սակայն ինչ-որ պահի դուրս էր եկել տանից և կորել անտառում: Ավելի քան 800 հոգի փնտրում էր աղջնակին, փրկարարները դիմել էին նաև ուղղաթիռների, ջերմացուցիչների և ջրասուզակների օգնությանը, քանի որ տեղանքի չորս բոլորում ճահիճներ են:

Կորած աղջնակի հետքերի մոտակայքում գտնվել էին նաև արջի հետքեր: Անվտանգության նկատառումներով որոշ ժամանակով փնտրտուքները դադարեցվել էին, մինչև գազանին կվնասազերծեին: 

Երեխային առավոտյան գտել են անտառում, նա ուներ ցրտահարություն և քաղցած էր, առաջինը ջուր և տորթ էր խնդրել: