Ռոմանտիկա և՛ 40-ում, և՛ 50-ում. Սալմա Հայեկը մինչ այժմ ժամադրության է գնում ամուսնու հետ

Պապարացիները 52-ամյա Սալմա Հայեկին եւ նրա ամուսնուն՝ 57-ամյա Ֆրանուսա Անրի Պինոյին նկատել են Սանտա Մոնիկայում։ Աստղային զույգն ընթրել է Giorgio Baldi ռեստորանում։ Դերասանուհին հիասքանչ տեսք ուներ՝ Gucci-ի սեւ, երկար զգեստով, որը զարդարված էր ապրանքանիշի լոգոտիպի պատկերը կրող գոտիով։ Կերպարն ամբողջացնում էին Yves Saint Laurent-ի Tribute մոդելի բարձրակրունկները եւ ակնոցը։

Աստղը հաճախ է կրում իտալական ապրանքանիշի զգեստները, ինչը զարմանալի չէ։ 2005թ.-ից նրա ամուսինը ֆրանսիական Kering ընկերության նախագահն ու գլխավոր տնօրենն է, որի կազմում մտնում են այսպիսի ապրանքանիշեր, ինչպիսիք են Gucci, Yves Saint Laurent, Balenciaga, Alexander McQueen, Bottega Veneta, Boucheron, Brioni եւ Pomellato։

Բոլորովին վերջերս Հայեկը հարցազրույց էր տվել «InStyle» ամսագրին, որում պատմել էր «Ֆրիդա» ֆիլմում աշխատանքի, ինչպես նաեւ Հոլիվուդում հանուն կանանց իրավունքների պայքարի մասին։

«Ես ստիպված էի ութ տարի հասնել նկարահանումների մեկնարկին։ Ոչ ոք չէր ցանկանում պատմություն նկարհել «մոնոհոնքով» մեքսիկացի կոմունիստ նկարչուհու մասին։ Դա իսկապես ծանր էր։ Բայց ես տեսլական ունի, թե ինչպես դա պետք է լինի։ Եվ ես հպարտ եմ, որ դարձել եմ այդ ֆիլմի պրոդյուսերը»,- պատմել է նա։

Սալման ժպիտով է հիշում իր երիտասարդության մասին եւ խոստովանում, որ 20 տարեկանում ամենից շատ վեխանում էր մեծանալ եւ սարսափով էր պատկերացնում այն ժամանակը, երբ 30 տարեկան կդառնա։ Աստղը պատմել է էյջիզմի մասին, որին բախվել է Հոլիվուդում։ Նախկինում կարծիք կար, որ 30 տարեկանից հետո դերասանուհիներն այլեւս պահանջված չեն։

«Այժմ ես արդեն ապրումներ չունեմ այն պատճառով, որ մեծանում եմ։ Երբ 40 տարեկան դարձա, ապա՝ 50, դրան հանգստությամբ վերաբերվեցի։ Այդ ժամանակներից Հոլիվուդում շատ բան է փոխվել կանանց համար։ Մեզ դեռ ավելի քիչ են վճարում, քան տղամարդկանց։ Բայց իրավիճակն աստիճանաբար ավելի լավն է դառնում։ Այժմ՝ 52 տարեկանում, ես խաղում եմ իմ կյանքի լավագույն դերերը»,- խոստովանել է Հայեկը։