Ամերիկյան Hotels.com ընկերությունը աշխատանքի է հրավիրում շուն, ով կբացահայտի աշխարհի լավագույն հյուրանոցները

Ամերիկյան Hotels.com ընկերությունը, որը զբաղվում է տոմսերի ամրագրմամբ, զբոսաշրջիկ է փնտրում՝ շան հետ, բացահայտելու համար աշխարհի լավագույն հյուրանոցները, որտեղ թույլատրվում է տնային կենդանիների հետ բնակությունը, հաղորդում է Lonely Planet պարբերականը:

«Հաճախ մենք մեր ընտանի կենդանիներին ավելի շատ ենք սիրում, քան երկրորդ կեսին, ուստի զարմանալի չէ, որ աճում է զբոսաշրջիկների թիվը, որոնք ցանկանում են սիրելի կենդանիներին իրենց հետ վերցնել հանգստի մեկնելիս»,- ասում է ընկերության ղեկավար Լիզ Օքմանը:

Երազանքի աշխատանքը ստանալու համար մասնակիցները պետք է Instagram-ում վերբեռնեն իրենց շան լուսանկարը, դրա վրա և հրապարակման մեկնաբանությունում նշեն ընկերության օգտահաշիվը: Նրանք, ովքեր ցանկանում են աշխարհով մեկ ճանապարհորդել իրենց չորքոտանի ընկերոջ հետ, պետք է նաև գրանցվեն Hotels.com պրոֆիլում և իրենց մեկնաբանություններում օգտագործեն #CanineCritic հեշթեգը:

Թեկնածուն կկարողանա հյուրանոցն ընտրել ինքնուրույն ՝ ծառայության փորձագետների առաջարկած լավագույն հյուրանոցների ցանկից: Միակ սահմանափակումը կլինի բնակության գինը՝ ոչ ավելի, քան երկու հազար դոլար մեկ գիշերվա համար: