Ատամբաևի հաշիվների վրա կալանք է դրվել
Ղրղզստանի նախկին նախագահ Ալմազբեկ Ատամբաևի բոլոր հաշիվների վրա կալանք է դրվել, հաղորդում է «ՌԻԱ Նովոստին»՝ վկայակոչելով հանրaպետության գլխավոր դատախազության մամուլի ծառայությանը:
«Քրեական գործերի հետաքննության շրջանակում, որոնցում ընդգրկված է Ատամբաևը, կալանք է դրվել գույքի, արժեթղթերի, բաժնետոմսերի, ղրղզական բանկերում բոլոր հաշվեհամարների վրա», - ասել են մամուլի ծառայությունում:
Վերահսկիչ մարմնի տվյալներով՝ կալանքը դրվել է նաև նախկին նախագաի կնոջ՝ Ռաիսայի Ատամբաևայի ամբողջ գույքի և հաշիվների վրա, նրանց հետ կապված ընկերությունների՝ «Կիրգիզավտոմաշ», «Ապրիլ» հեռուստաալիքի, «Մեդիաֆորում» ԲԲԸ և մի շարք այլ ընկերությունների գույքի վրա:
Գլխավոր դատախազությունում պնդում են, որ կալանքը դրվել է դատավճռի կատարման ապահովման նպատակով նյութական և բարոյական վնասի փոխհատուցման, այլ գույքային բռնագանձումների կամ գույքի հնարավոր առգրավման մասով, որոնց վերաբերյալ քննությունը բավարար հիմքեր ունի ենթադրելու, որ դրանք ձեռք են բերվել կասկածյալ Ատամբաևի և նրա մոտ հարազատների հանցավոր գործողությունների արդյունքում»:
Ղրղզստանի նախկին ղեկավարին են հանձնվել մի շարք ծանր և առանձնապես ծանր հանցագոծությունների կատարման մեջ կասկածվելու ծանուցումներ: Նա որպես մեղադրյալ է անցնում ընդհանուր 12 քրեական գործով, որոնց թվում են սպանության, զանգվածային անկարգությունների կազմակերպման, կոռուպցիայի և այլ մեղադրանքներ: