Ակցիայի մասնակիցներին հանդիպել են ՀՀ Վարչապետի օգնականը և փոխվարչապետ Տիգրան Ավինյանի աշխատակազմի ղեկավար Վարագ Սիսեռյանը

Ինչպես արդեն Operativ լրատվականը հաղորդել էր, կառավարության շենքի դիմաց բողոքի ակցիա է ընթանում Ամուլսարի ոսկու հանքի մշակման դեմ: Իրավիճակը շարունակում է լարված մնալ:

Քննչական խմբի ղեկավար Յուրա Իվանյանը նախօրեին մամուլի ասուլիսում հայտնել էր փորձաքննության արդյունքների մասին: 

Ամուլսարի շահագործման դեմ բողոքող ակցիայի մասնակիցները կառավարության անդամներին կոչ արեցին չթաքնվել ոստիկանների մեջքի հետևում: Նրանք պնդում են, որ Յուրա Իվանյանը նախօրեին մամուլի ասուլիսում հայտնել էր փորձաքննության արդյունքների մասին՝ Ամուլսարի հանքավայրի շահագործման հետ կապված տվյալները դիտավորյալ թաքցնելու միտում ունենալով:

Նրա խոսքով՝ Ամուլսարի հանքավայրի մշակման հնարավոր ազդեցության փորձաքննության արդյունքները վկայում են, որ ծրագրի տարածքի և Ջերմուկի տերմալ տաք աղբյուրների միջև ստորգետնյա ջրերի հոսքի և աղտոտման փոխանցման ուղիներ առկա չեն: Քննության ընթացքում տվյալներ չեն ստացվել հանքավայրի շահագործման դեպքում շրջակա միջավայրի վնասի մասին տեղեկությունները դիտավորյալ թաքցնելու մասին:

Սակայն ակցիայի մասնակիցները փաստաթղթերից հատվածներ են հրապարակում, որոնք հակառակի մասին են վկայում՝ շրջակա միջավայրի վրա հանքավայրի մշակման մեծ վտանգավորության, ստոգետնյա ջրերի համակարգի բաղադրիչների թերագնահատման, ստորգետնյա ջրերի հաշվեկշռի մասին տվյաների գերագնահատման:

Կառավարության շենքի մուտքը շրջապատված է ոստիկանների եռակի ջոկատով:

«Դուք այդ աթոռներին նստած եք, քանի որ մեր օգնությամբ եք այդտեղ հայտնվել: Մեկ տարի առաջ մենք բոլորս հրապարակում էինք: Նրանք չունեն եւ չեն ունենա արտոնություններ: Դուրս եկեք մեզ մոտ, պետք չէ թաքնվել ոստիկանների մեջքի հետեւում: Մենք ընդամենն ուզում ենք տեղեկատվություն փոխանցել», - ասում են ակցիայի մասնակցիները:

Ակցիայի մասնակիցներին հանդիպելու համար դուրս եկավ վարչապետի օգնական Նաիրի Սարգսյանը և պատրաստ է փոխանցել փաստաթղթերի փաթեթը: 

Ապա ակցիայի մասնակիցների մոտ դուրս եկավ Հայաստանի փոխվարչապետ Տիգրան Ավինյանի աշխատակազմի ղեկավար Վարագ Սիսեռյանը, ով խոստացավ պարզել՝ արդյոք ակցիայի մասնակիցներից հինգ հոգու կընդունեն կառավարությունում:

Հիշեցնենք նաև, որ Ամուլսարի շահագործման դեմ բողոքող ակցիայի մասնակիցները լրագրողներին քիչ առաջ ասացին, թե իրենցից 5 հոգի մտադիր են կառավարության շենք մտնել և անձամբ կառավարության անդամներին փոխանցել իրենց տվյալները: Մասնակիցների անունները հնչեցվեցին, նաև ոստիկաններին խնդրեցին չխոչընդոտել: Նախաձեռնությունը ծափահարությունների արժանացավ:

Ինչպես և սպասվում էր, ոստիկանները չէին շտապում մասնակիցներին շենք թողնել:

Ի պատասխան ակցիայի մասնակիցները բարձրախոսով դիմեցին կառավարությանը, որպեսզի 5 մասնակիցներին թույլ տան մտնել շենք: Ակցիայի մասնակիցները վանկարկում էին՝ «բացեք մուտքը»: