Չեղարկված Երևան-Մոսկվա ավիաչվերթը նախնական տվյալներով կիրականացվի Երևանի ժամանակով 17:30-ին
Տեխնիկական խնդիրների պատճառով չեղարկված Երևան-Մոսոկվա ավիաչվերթը նախնական տվյալներով կիրականացվի Երևանի ժամանակով 17:30-ին: ՏԱՍՍ-ին այս մասին ասել են Utair ավիաընկերության մամուլի ծառայությունում:
Հիշեցնենք, ավելի վաղ Operativ լրատվականը հաղորդել էր, որ այօսր Utair ավիաընկերությունը օդանավում հայտնաբերված տեխնիկական խնդրի պատճառով չեղարկել էր Երևանի «Զվարթոնց» օդանավակայանից Մոսկվայի «Վնուկովո» օդանավակայան նախատեսված թռիչքը:
Utair ավիաընկերության Boeing 737-ը, որը պետք է UTA880 չվերթով Երևանից մեկներ Մոսկվայի «Վնուկովո» օդանավակայան, օգոստոսի 12-ին օդանավում հայտնաբերված տեխնիկական խնդրի պատճառով չի իրականացրել նախատեսված թռիչքը:
Քաղաքացիական ավիացիայի կոմիտեն կապ է հաստատել Utair ավիաընկերության հայաստանյան ներկայացուցչության հետ, որտեղից փոխանցել են, որ աշխատանքներ են տարվում հնարավորինս սեղմ ժամկետներում քաղաքացիների տեղափոխությունը կազմակերպելու նպատակով, իսկ մինչ այդ ուղեւորներն ապահոված կլինեն հյուրանոցով և սնունդով:
Թռիչքի նախնական ժամը 17:30-ն է: