Ղրղզստանի նախկին նախագահը կասկածվում է կոռուպցիայի մեջ քրեական հեղինակության գործով
Ղրղզստանի նախկին նախագահ Ալմազբեք Ատամբաևը կասկածվում է կոռուպցիայի մեջ քրեական հեղինակության գործով, որն անօրինաբան ազատ էր արձակվել բանտից։ Այդ մասին կիրակի ՏԱՍՍ-ին հայտնել է նախկին նախագահի փաստաբան Սերգեյ Սլեսարյովը։
«Ատամբաևին մեղադրանք է առաջադրվել Ազիզ Բատուկաևի քրեական գործով կառուպցիայի կազմակերպման կասկածանքով»,- հայտարարել է նա։
2013 թվականին քրեական հեղինակություն համարվող Ազիզ Բատուկաևն ապօրինաբար ազատ էր արձակվել բանտից վատառողջ լինելու պատճառով, քանի որ մինչ այդ բժիշկները եզրակացրել էին, որ նա տառապում է անբուժելի ուռուցքաբանական հիվանդությամբ։ 2018 թվականին սկսվել էր հետաքննությունը Բատուկաևի հակաօրինական ազատման մասին, որն ազատվելուց հետո անիջապես հեռացել էր հանրապետությունից։
Այս տարվա հուլիսի 27-ին Ղրղզստանի խորհրդարանը քվեարկել էր Ատամբաևին նախկին նախագահի կարգավիճակից և անձեռնմխելիությունից զրկելու օգտին մի շարք օրինախախտումներ կատարելու կասկածանքով, այդ թվում՝ Բատուկաևի գործի առնչությամբ։
Ատամբաևը ձերբակալվել է հինգշաբթի իր առանձնատանը շուրջ մեկ օր տևած հատուկ գործողությունների արդյունքում։ Նախկին նախագահը բազմիցս հերքել է մեղադրանքները, իսկ նրա կողմնակիցները ստեղծել էին դիմադրություն․ հատուկ գործողությունների ընթացքում զոհվել է մեկ հատուկջոկատային։ Դիմադրության ընթացքում բուժօգնություն ստանալու համար դիմել է ավելի քան 100 մարդ, այդ թվում՝ ոստիկաններ։
Ղրղզստանի նախագահ Սորոնբայ Ժենբեկովը հայտարարել է, որ Ատամբաևը խախտել է սահմանադրությունը՝ զինված դիմադրություն ցուցաբերելով ուժայիններին։ Հինգշաբթի Ատամբաևին ձերբակալելու գործողությունների ընթացքում ներգրավված էին մի քանի հազար ոստիկաններ և հատուկջոկատայիններ։ Դատարանը նախկին նախագահին մինչև առնվազն օգոստոսի 26-ը կալանավորելու վճիռ է կայացրել․ ներկայումս Ատամբաևը գտնվում է կալանավայրում։