Ատամբաևը լրագրողներին խոստովանել է, որ իրեն ձերբակալելու փորձի ժամանակ ինքը կրակել է (Տեսանյութ)
Ղրղզստանի նախկին նախագահ Ալմազբեկ Աթամբաեւը հինգշաբթի լրագրողներին խոստովանել է, որ կրակել է իրեն ձերբակալելու փորձի ժամանակ, հայտնում է «ՌԻԱ Նովոստին»:
«Իմ կողմնակիցները նույնիսկ պարսատիկ չունեին, հեռուստացույցով ստում են: Ես կրակեցի, երբ տղաները գնացին երրորդ հարկ: Փորձում էի չդիպել տղաներին », - ասել է նա:
Չորեքշաբթի երեկոյան Ղրղզստանի հատուկ ծառայությունները գրոհել էին Կոյ-Տաշ գյուղում Աթամբաեւի տունը: Նրանք նախկին նախագահի աջակիցների դեմ հատուկ միջոցներ էին կիրառել: Աթամբաեւի կողմանկիցները պատասխան կրակ էին բացել: Արդյունքում 52 մարդ, այդ թվում մեկ լրագրող, վնասվածք էր ստացել: Սակայն նախկին նախագահին ձերբակալել չէր հաջողվել:
2017 թվականի նախագահական ընտրություններից հետո Սոցիալ-դեմոկրատների խոշորագույն խորհրդարանական կուսակցության ղեկավար Աթամբաեւը իշխանությունը հանձնել էր իր իրավահաջորդ եւ ամենամոտ դաշնակից Ժեենբեկովին: Սակայն կարճ ժամանակ անց նախկին նախագահի թիմի անդամների դեմ քրեական գործեր էին հարուցվել: Ինքը ՝ Աթամբաեւը, զրկվել էր նախկին նախագահի կարգավիճակից և կասկածվում է մի շարք հանցագործությունների մեջ:
Նախկին նախագահը բազմիցս ասել է, որ իր կողմնակիցների հասցեին հնչող մեղադրանքները քաղաքական բնույթ ունեն:
Հիշեցնենք, երեկվանից լարվածմ իրավիճակ է Ղրղզստանում:
Operativ լրատվականը հաղորդել էր, որ Ղրղզստանի նախկին նախագահ Ատամբաևը ձերբակալվել էր. հատուկջոկատայինները գրոհել էին նրա տունը:
Operativ լրատվականը հաղորդել էր նաև, որ երեկ Ղրղզստանում Ատամբաևի տան մոտ հատուկ օպերացիայի ժամանակ հատուկջոկատային է զոհվել, 23 մարդ վիրավոր է :
Ղրղզստանի նախագահը ստիպված էր եղել դադարեցնել արձակուրդը և վերադառնալ :
Ղրղզստանում առավոտից սկսվել է Անվտանգության խորհրդի նիստը :
Հիշեցնենք նաև, որ Ղրղզստանում անկարգությունների ժամանակ տուժածների թիվը հասել է 52-ի :
Ատամբաևը շնորհակալություն էր հայտնել գրոհի ժամանակ իրեն պաշտպանած կողմնակիցներին :
Operativ լրատվականին հայտնի էր դսարձել նաև, որ Ատամբաևը մտադիր է Բիշքեկում իր կողմնակիցներին հանրահավաքի տանել :
Ժեենբեկովն Ատամբաևին մեղադրել է Ղրղզստանի Սահմանադրությունը կոպտորեն խախտելու մեջ :