Ենթասպայի դին հայտնաբերվել է ծառից կախված. Դեպքի առթիվ նյութեր են նախապատրաստվում. ՔԿ
2019թ. օգոստոսի 7-ին՝ ժամը 19:00-ի սահմաններում, Գյումրի քաղաքի Վարդ-բաղ կոչվող թաղամասում, պարանոցի շրջանում պարանով ծառից կախված վիճակում, հայտնաբերվել է ծառայությունից դուրս գտնվող, ՀՀ ՊՆ N զորամասի զինծառայող, ենթասպա Սամվել Գառնիկի Մեժլումյանի դին։
ՀՀ քննչական կոմիտեի տեղեկատվության եւ հասարակայնության հետ կապերի բաժնից հայտնում են, որ դեպքի առթիվ ՀՀ ՔԿ ԶՔԳՎ տասներորդ կայազորային քննչական բաժնում նախապատրաստվում են նյութեր:
Ձեռնարկվում են անհրաժեշտ գործողություններ՝ դեպքի բազմակողմանի, լրիվ եւ օբյեկտիվ հետազոտումն ապահովելու ուղղությամբ:
Shamshyan.com-ը հայտնում է, որ ժամը 19։30-ի սահմաններում Գյումրիի շտապօգնության կայանից ահազանգ է ստացվել Գյումրի քաղաքի ոստիկանության Մուշի բաժին, որ բժիշկների հերթապահ խումբը կանչով մեկնել է «Չերքեզի ձոր», որտեղ հայտնաբերել են ծառից կախված տղամարդու դի։ Ոստիկաններն ու քննիչները պարզել են, որ նույն օրը ժամը 18։30-ի սահմաններում Գյումրի քաղաքի Վ․ Սարգսյան փողոցի բնակիչ 32-ամյա Սամվել Մեժլումյանը «Չերքեզի ձոր» կոչվող տարածքում ինքնասպանություն է գործել մետաղյա լարով ծառից կախվեու միջոցով։
Հիշեցնենք, ավելի վաղ Operativ լրատվականը հաղորդել էր, որ դեպքին արձագանքել է Արծրուն Հովհաննիսյանը: