на Русском
Հենրի Քավիլն առաջին անգամ հայր կդառնա
Ոստիկանությունը տեսանյութ է ներկայացրել Արթիկ... 
Ճապոնիայում մեկ շաբաթվա ընթացքում շոգից 57 մարդ է մահացել
Ճապոնիայում վերջին մեկ շաբաթվա ընթացքում առնվազն 57 մարդ մահացել եւ շուրջ 20 000 մարդ հոսպիտալացվել է ջերմային հարվածներով: Այս մասին հայտարարել է Ճապոնիայի գլխավոր հրդեհային վարչությունը, որը կատարում է Արտակարգ իրավիճակների նախարարության եւ շտապօգնության գործառույթներ, հայտնում է ՏԱՍՍ-ը:
Նշվում է, որ անցյալ 7 օրերին ամբողջ Ճապոնիայով ջերմային հարվածներով հոսպիտալացվել է 18347 մարդ:
Սաստիկ շոգն անցյալ շաբաթ հաստատվել է ամբողջ Ճապոնիայի տարածքում. երկրի որոշ շրջաններում ջերմաստիճանը հասնում է ըստ Ցելսիսուսի 39 աստիճանի:
Տուժածների եւ մահացածների մեծ մասը տարեց մարդիկ են, որոնք հիմնականում տանը օդորակիչ չեն միացնում տնտեսելու նպատակով:
Երկրի իշխանությունները կոչ են անում գլխարկներ կրել, շատ հեղուկ խմել եւ երկար ժամանակ արեւի տակ չգտնվել:
Անցյալ տարի շոգի պատճառով մահացել էր ավելի քան 150 մարդ, տասնյակ հազարավոր բնակիչներ հոսպիտալացվել էին:
