Արքայազն Հարրիի ծառայակիցները ծիծաղել են ոտնահարդարման հանդեպ նրա սիրո վրա

34-ամյա արքայազն Հարրին եւ 38-ամյա Մեգան Մարքլն այժմ նույն բյութի ռեժիմին են հետեւում։ Զույգը սիրում է միասին գնալ մերսման, մատնահարդարման եւ ոտնահարդարման։ Սասեքսի դուքսը պարբերաբար մատնահարդարման եւ մերսման է դիմում։ Նկատենք, որ այս հաճույքը էժանների շարքին չի դասվում, քանի որ սրահն ինչ-որ տեղ չի գտնվում, այլ Coworth Park հինգաստղանի հյուրանոցում։ Այստեղ մեկ գիշեր անցկացնելը կարժենա 500 ֆունտ ստերլինգ։

Բրիտանական թագավորական ընտանիքի կոսմետելոգիական սովորություններն առաջացրել են արքայազնի նախկին ծառայակիցների զարմանքն ու ծաղրը. նրանց հետ արքայազնը ծառայել է Աֆղանստանում։ «Ոտնահարդարո՞ւմ եւ մերսո՞ւմ։ Նա փոխվել է»,- The Sun-ին մեջբերում է նախկին զինակցին։

Նրանց խոսքով՝ նախկինում Հարրին կծիծաղեր, եթե նրան ոտնահարդարում առաջարկեին։ Արքայազնի նախկին ծառայակիցներից մեկը նշել է, որ «Հարրին լավ տղա էր, սիրում էր խմել, նրա համար միեւնույնն էր՝ ինչ տեսք ունի»։

Արքայազնը բրիտանական զինված ուժերի շարքում ծառայությունը սկսել է 2005թ.-ին հեղինակավոր զիվորական ակադամեիան ավարտելուց հետո։ Կարիերայի սկզբում նա խնդրել է իրեն ծառայության ուցարկել Իրաք, ուր բրիտանացի զինվորականները մասնակցում էին մարտական գործողություններին։ 2007թ.-ին նա գործուղվել է Աֆղանտսան, ուր 2,5 տարի ծառայել է որպես ուղղաթիռների դիսպետչեր, որոնք մասնակցում էին «Թալիբան» շարժման դեմ մարտերին։

Արքայազնի գործուղումը գաղտնի էր պահվում, այդ պատճառով նա շտապ տարհանվել է Աֆղանստանից, երբ արտասահմանյան մամուլը հայտնել է, թե որ շրջանում է նա գտնվում։ 2012թ.-ի սեպտեմբերին արքայազն Հարրին կրկին գործուղվել է Աֆղանստան 5 ամսով։ Այս անգամ նա ծառայել է որպես զինվորական ուղղաթիռի օդաչու եւ մարտական թռիչքներ կատարել։ Այդ տարվա հունիսին նա ավարտել է ծառայությունը բրիտանական բանակում։