Ստամբուլի կոնվենցիան ընտանիքում բռնության կանխարգելման առավել ընդարձակ մեխանիզմներ է ենթադրում. Նվարդ Փիլիպոսյան
Ստամբուլի կոնվենցիան ընտանիքում բռնության կանխարգելման առավել ընդարձակ մեխանիզմներ է ենթադրում: Այս մասին այսօր լրագրողների հետ զրույցում ասել է փաստաբան Նվարդ Փիլիպոսյանը:
Նրա խոսքով՝դա վերաբերում է նաեւ հանրությունում կրթական համակարգի ներդրմանը, այդ թվում՝ իրավապահ մարմինների եւ սոցիալական աշխատողների շրջանում:
«Կանանց նկատմամբ բռնության ոլորտի ոչ բավարար գիտելիքներ են նկատվում նույնիսկ իրավաբանների շրջանում: Արդյունքում մենք բախվում ենք իրավիճակների հետ, երբ ոստիկանությունում ասում են, որ ընտանեկան բռնության մասին կանանց հայտարարությունները լուրջ չեն: Անհրաժեշտ է բացառել գենդերային կամ այլ պատկանելիության սկզբունքով պետական պաշտպանության տրամադրման խտրականությունը: Փորձը ցույց է տալիս, որ հանրությունում կան շատ կանայք, որոնք ընտանիքում խոշտանգումների են ենթարկվում, սակայն ոչ միայն ընտանիքում, այլ նաեւ սիրուհու կամ այլ կարգավիճակում»,- ասել է նա: