Գերմանիան հավանություն է տվել փախստականների ընտանիքների միավորման մոտ 9000 միջնորդությունների

Գերմանիայում փախստականի կարգավիճակ ունեցող անձանց մոտ 9000 հարազատներ տեղափոխվել են երկիր ընտանիքի վերամիավորման մասին օրենքում փոփոխությունների ուժի մեջ մտնելու պահից։

Ինչպես DPA գործակալությանը տեղեկացրել են Գերմանիայի ԱԳՆ-ում, 2018 թվականի օգոստոս – 2019-ի հունիս շրջանում երկրի կառավարությունը հավանություն է տվել 8758 խնդրագրի։

Երկրի կառավարող՝ Քրիստոնեա-դեմոկրատական միություն եւ Սոցիալ-դեմոկրատական կուսակցություն կոալիցիան 2018-ի բարդ բանակցությունների արդյունքում համաձայնել է չեղարկել այն անձանց հարազատների համար թույլտվության գործողության դադարեցումը, որոնք ստացել են փախստականի կարգավիճակ օժանդակ (սուբսիդիար) պաշտպանության գծով։

Ինչպես նշում է գործակալությունը, սովորաբար կառավարությունը հավանություն է տալիս օժանդակ պաշտպանությանը այն երկրներից փախստականների համար, որոնցում քաղաքացիական պատերազմ է ընթանում։

Ինչեւէ, կառավարող կոալիցիոն գործընկերները համաձայնել են սահմանափակել նոր թույլտվությունների թիվը ամիսն առնվազն մինչեւ 1000։

Տեղեկացվում է, որ քաղաքական ապաստան կամ Ժնեւի կոնվենցիայով պաշտպանություն ստացած անձանց հարազատները բավական երկար ժամանակ կարող էին դիմել ընտանիքի վերամիավորման համար։ Կառավարությունը դադարեցրել է այդ իրավունքը 2017-ին օժանդակ պաշտպանություն ունեցող անձանց համար։

Ընտանիքի վերամիավորման իրավունքը տարածվում է փախստականների ամուսինների եւ երեխաների վրա։ Ծնողները նույնպես կարող են միջնորդել անչափահասներին ապաստան տրամադրելու մասին։