Ոչ սթափ վիճակում զայրացած հնդիկ տղամարդը ատամներով կտոր-կտոր է արել իրեն խայթած օձին
Հնդկաստանում ոչ սթափ վիճակում գտնվող տղամարդը վրեժ է լուծել իրեն խայթած օձից՝ պատասխան խայթոց հասցնելով եւ ատամներով կտոր-կտոր անելով կենդանուն, հաղորդում է Fox News-ը:
Կիրակի Ուտար Պրադեշ նահանգի բնակիչ Ռաջ Կումարը հանգստանում էր իր տանը, երբ տուն է սողացել օձն ու խայթել նրան:
Ինչպես Reuters գործակալությանը պատմել է «տուժածի» հայրը, տղամարդը գտնվում էր ոչ սթափ վիճակում, երբ սողունը խայթել էր նրան:
Կումարը հոսպիտալացվել էր ծանր վիճակում:
Բժիշկը խոստովանել է, որ ավելի վաղ նմանօրինակ ոչինչ չի տեսել:
«Ես տեսել եմ մարդկանց, որոնց օձը խայթել է, սակայն երբեք չեմ տեսել, որ ինչ-որ մեկն այդ վիճակում տեղափոխել է օձի մնացորդներն իր պայուսակով»,-հայտարարել է նա:
Ավելի ուշ պարզ է դարձել, որ Կումարին կծել էր ոչ թունավոր սահնօձը, որին վերջում դիակիզել են: