Գիտնականները ներկայացրել են Սթիվեն Հոքինգի հիվանդության դեմ պայքարի նոր միջոց
Սթենֆորդի համալսարանի (ԱՄՆ) հետազոտողները հայտնաբերել են կարեւոր գեն, որը մասնակցում է կողային ամիոթրոֆիկ սկլերոզի (ԿԱՍ, հիվանդություն, որից տառապել է տեսաբան ֆիզիկոս Սթիվեն Հոքինգը) նյութերի նյարդային բջիջների քայքայման սինթեզին։
Ինչպես ասվում է EurekAlert!-ի մամուլի հաղորդագրությունում, RPS25 գենը կոդավորում է սպիտակուցային համալիրի մի մասը, որը նպաստում է տոքսիկ միացությունների կուտակմանը։
Գիտնականները փորձել են արգելակել այդ գենը խմորիչներում, պացիենտներից ստացված նեյրոններում եւ պտղաճանճերի մոտ, եւ դա հանգեցրել է այն բանին, որ պաթոգեն սպիտակուցի մակարդակները նվազել են 50 տոկոսով, իսկ միջատների կյանքի տեւողությունն ավելացել է։
Գիտնականներին նաեւ հաջողվել է պարզել, որ RPS25 արգելակունը նվազեցնում է սպիտակուցային ագրեգատների քանակությունը բջջային հյուսվածքներում, որոնք ծառայում են որպես Հենթինգթոնի եւ ողնացերեբրալ ատակսիայի հիվանդությունների մոդելներ։
ԿԱՍ ունեցող մարդկանց մոտ տեղի է ունենում շարժիչ նեյրոնների մահ, որը հանգեցնում է կաթվածների եւ մկանների աթրոֆիայի։ Հիվանդությունը համարվում է դանդաղ զարգացող եւ ներկա պահին անբուժելի է։