Թմրամոլը Audi է առևանգել և այն ներկել տարբեր գույների ֆլոմաստերներով

ԱՄՆ Մասսաչուսեթս նահանգի Վուստեր քաղաքում թրամոլն առեւանգել է 2014թ. արտադրության Audi Q3 Audi ավտոմեքենան եւ այն ներկել տարբեր գույների ֆլոմաստերներով, գրում է Motor-ը:

Ոստիկանները հատուկ ջանքեր չեն գործադրել ավտոմեքենան գտնելու համար. այն գտնվել է փողոցի մեջտեղում՝ միացված վթարային ազդանշանով եւ բացված դռներով: Կարելի է մտածել, թե ավտոմեքենան առեւանգած անձը ստիպված է եղել շտապ լքել ավտոմեքենան եւ թաքնվել, սակայն հանցանշաններն այլ բանի մասին են վկայել:

Հանցագործը, ամենայն հավանականությամբ, բավարար ազատ ժամանակ է ունեցել, որպեսզի ներկի քրոսսովերի սալոնը տարբեր գույների ֆլոմաստերներով՝ սեւ, կապույտ, կանաչ եւ կարմիր: Նա գրել է բացարձակ անիմաստ արտահայտություններ՝ «որտե՞ղ է իմ ջուրը», «զգում եմ», «ներեցեք», «մենք քեզ սիրում ենք» եւ այլն:

Իսկ ավտոմեքենայում առկա նոթատետրում հարց է ուղղել՝ «ինչո՞ւ եք ավտոմեքենայի բանալին թողել ներսում»: Հանցագործը ներողություն է խնդրել անհանգստության համար՝ բացատրելով, որ իրեն շտապ անհրաժեշտ էր ավտոմեքենան, եւ բողոքել է իր դժվար կյանքից: Բացի այդ, նա նստատեղի վրա մարիխուանա է նկարել և գողացել մանկասայլակն ու կարեւոր փաստաթղթեր, որոնց անհետացման համար Audi-ի տիրոջն աշխատանքից ազատել են: