Շաքար պարունակող անգամ 100 միլիլիտր հյութի օգտագործումը 18 տոկոսով ավելացնում է քաղցկեղով հիվանդանալու հավանականությունը
Գազավորված քաղցր ըմպելիքի, ինչպես նաև 100 տոկոսանոց մրգային հյութի նույնիսկ մեկ բաժակը կարող է օնկոլոգիական հիվանդության զարգացման պատճառ դառնալ: Այսպիսի եզրակացության են եկել Հարվարդի գիտնականները: Նյութը հրապարակվել է British Medical Journal ամսագրում:
Մասնագետները ուսումնասիրություն են կատարել հազարից ավելի ֆրանսիացիների շրջանում: Ուսումնասիրվել է նրանց սննդակարգը, վնասակար սովորությունների և ազգականների մոտ ուռուցքային հիվանդությունների առկայությունը: Հաշվի է առնվել սեռը, տարիքը և այլն: Ըստ հետազոտության արդյունքների՝ շաքար պարունակող անգամ 100 միլիլիտր հյութի օգտագործումը 18 տոկոսով ավելացնում է քաղցկեղով հիվանդանալու հավանականությունը:
Մյուս կողմից, սակայն, գիտնականները նշել են, որ նրանց չի հաջողվել ուղղակի կապ հայտնաբերել քաղցկեղով հիվանդանալու ռիսկի և քաղցր ըմպելիքների օգտագործման միջև:
Այնուամենայնիվ, գիտնականները հիշեցրել են, որ շաքարի օգտագործումը նպաստում է նաև այլ հիվանդությունների զարգացմանը՝ մասնավորապես ճարպակալմանը և սրտային հիվանդություններին: