Volvo-ն հետ է կանչում կես միլիոն ավտոմեքենաներ ամբողջ աշխարհում
Volvo Cars ընկերությունը հետ է կանչում շուրջ 500 հազար մեքենաներ, որոնք վաճառվել էին ամբողջ աշխարհում, հաղորդում է Life-ը՝ հղում կատարելով Neue Zürcher Zeitung-ին:
Պարբերականի տեղեկություններով՝ այդ որոշումը կայացվել էր շարժիչի խցիկում հրդեհի բռնկման վտանգի պատճառով:
Հետ են կանչվել մոդելները, որոնք թողարկվել են 2014-2019 թվականների ընթացքում, չորս մխոց ունեցող դիզելային շարժիչով, որը տեղադրված է V40-ում, V60-ում, V70-ում, S80-ում, XC60-ում եւ XC90-ում: