«Ալաշկերտ» - «Ստյաուա» հանդիպման մուտքը կլինի ազատ
Ֆուտբոլի Հայաստանի գավաթակիր Երեւանի «Ալաշկերտը» հուլիսի 25-ին կանցկացնի Եվրոպայի լիգայի որակավորման երկրորդ փուլի առաջին հանդիպումը: Մրցակիցն է Ռումինիայի ամենատիտղոսակիր ակումբը` «Ստյաուան»:
«Ալաշկերտ» - «Ստյաուա» հանդիպումը տեղի կունենա Ավանի Ֆուտբոլի ակադեմիայի մարզադաշտում և կմեկնարկի 21:00-ին։
Մուտքն ազատ է լինելու, սակայն խաղի նկատմամբ մեծ հետաքրքրության պատճառով «Ալաշկերտը» հրավիրատոմս է պատրաստել երկրպագուների համար, հայտնում է ակումբի մամուլի ծառայությունը: Ցանկացողները հրավիրատոմսերը հուլիսի 22-ից կարող են ստանալ «Ալաշկերտի» գրասենյակից (Սարյան 25)։