Հայ և ռուս աստղերի հետ աշխատանքի, դադարեցված համագործակցությունների և անձնականի մասին. Սոֆյա Ղուլյանն անկեղծանում է

Մոսկվաբնակ պրոդյուսեր Սոֆյա Ղուլյանին առաջին հայացքից բոլորն ասոցացնում են «քաղցր համբույրների» հետ. չէ՞ որ, հենց նա մոտ երկու տարի առաջ սկսեց իր «Պչպչորումում» ֆլեշ-մոբը, որի շրջանակում արցախյան բարբառով բառը հնչեց հայկական և ռուսական շոու-բիզնեսի մի շարք հայտնիների կողմից, որոնք Սոֆյայի հետ հայտնվում էին նրա տեսանյութերում և հայ երկրպագուներին ուղարկում ջերմ համբույրներ: Սակայն միայն հումորային արտահայտություններով Սոֆյայի ձեռքբերումները չեն սահմանափակվել: Տարիներ առաջ սկսելով իր պրոդյուսերական գործունեությունը՝ Սոֆյան հայկայան շոու-բիզնեսին ծանոթացրել է մի շարք երիտասարդ տաղանդների հետ, ինչպիսիք են, օրինակ, Մարտ Բաբայանը և Գոշը: Սոֆյան աշխատել է նաև Անի Երանյանի և Ավրաամ Ռուսոյի հետ, հաճախ մասնակցություն է ունեցել ռուսական շոու-բիզնեսի այս կամ այն աստղի հայաստանյան այցելությունների կազմակերպման մեջ:

Վերջերս Սոֆյան և Մարտը հայտարարեցին պրոդյուսերական համագործակցության դադարի մասին: Այսօր պրոդյուսերն առավել մեծ ուշադրություն է հատկացնում ամիսներ ատաջ հիմված իր պրոդյուսերական ընկերությանը՝ ջանալով բացահայտել պատանի տաղանդների:

NEWS.am STYLE-ը Սոֆյա Ղուլյանի հետ զրուցել է իր երկար, հագեցած և հետաքրքիր ճանապարհի մասին:

- Սոֆյա, այսօր քեզ շատերն են ճանաչում՝ որպես հաջողակ պրոդյուսերի, գործարար կնոջ, բայց հետաքրքիր է՝ ինչպե՞ս եւ որտեղի՞ց ամեն ինչ սկսվեց…

Ամեն ինչ սկսվեց չքնաղ մի քաղաքում՝ Ստեփանկերտում, այն ժամանակ, երբ ես ծնվեցի (ծիծաղում է)։ Բայց իմ կարիերայով լրջորեն սկսել եմ զբաղվել Մոսկվայում, որտեղ սկսեցի աշխատել շոու-բիզանեսի ոլորտում և մինչ օրս հավատարիմ եմ իմ սիրելի գործին, ու արդեն տասը տարի է՝ չեմ բաժանվում դրանից։

- Ո՞վ էր ան արտիստը, որի հետ արեցիր առաջին քայլերդ:

- Այդ արտիստի անունը նշել չեմ ցանկանում, քանի որ իր ողջ ստեղծագործական կյանքի ընթացքում, նա ոչ մի անգամ չի նշել, որ հենց ես եմ եղել այն մարդը, որն օգնել է իր կարիերայի մեկնարկին։

- Այսօր աշխատում ես ոչ միայն հայկական, այլև ռուսական դաշտում: Ինչպե՞ս սկսեցիր համագործակցել ռուս աստղերի հետ:

- Չեմ կարծում, թե ամբողջությամբ ռուսական շոու-բիզանեսի մեջ եմ, բայց, այո, բավականին մտերմիկ կապեր եմ ստեղծել։ Ռուս աստղերի հետ իմ աշխատանքը սկսվել է Ավրաամ Ռուսոյից։ Նա այսօր իմ մտերիմ ընկերն է, ու ես նրան ամեն ինչի համար շատ շնորհակալ եմ։

- Քանի՞ արտիստի հետ ես այսօր աշխատում:

- Իմ PR ընկերությունում շատ աստղեր կան, արդեն՝ մոտ 10 արտիստ, բայց որպես պրոդյուսեր՝ այս պահին ոչ ոքի հետ չեմ համագործակցում։

- Ասում են՝ ռուս աստղերը բավականին բծախնդիր են: Դու ի՞նչ կասես՝ հայերի՞ հետ է ավելի հեշտ աշխատել, թե՞ ռուսների:

- Պետք է խոստովանեմ, որ ռուս արտիստների հետ աշխատելը դժվար է, չեմ ցանկանում շատ մանրամասնել, բայց հայ աստղերի հետ ավելի հեշտ է։

- Նշեցիր, որ ռուսական շոու բիզնեսում առաջինը Ավրաամ Ռուսոյի հետ ես համագործակցել: Ինչպե՞ս եղավ ձեր ծանոթությունը:

Առավել  մանրամասն՝ սկզբնաղբյուր հոդվածում: