Իջևանում վիճակը հանգիստ է. Օսիպյանը վերադարձել է Երևան. դեռ ոստիկանական որոշակի քանակակազմ քաղաքում է

Իջևանում այս պահին վիճակը հանգիստ է։ Այս մասին News.am-ին հայտնել է Տավուշի մարզպետ Հայկ Չոբանյանը։

Հարցին՝ քաղաքացիների պահանջները բավարարվեցի՞ն, որ այսօր ամեն ինչ հանգիստ է, նա պատասխանել է. «Իրենք բերման ենթարկված քաղաքացիների ընտանիքի անդամներն են, իրենց հարցադրումն հետևյալն էր, թե ուր են իրենց հարազատները, ինչու են նրանց բերման ենթարկել։ Մենք հանգամանալից տեղեկացրեցինք, հրավիրեցինք Մարդու իրավունքների պաշտպանի գրասենյակից երկու ներկայացուցչի, նրանց հետ մանրամասն խոսեցին, ասացին, որ մենք նաև ձեր երեխաների հետ կապ ունենք»։

Մարզպետի խոսքով՝ այժմ, այնուամենայնիվ, դեռ ոստիկանական որոշակի քանակակազմ կա Իջևանում, սակայն, նա դժվարացավ նշել երեկվա քանակակազմը արդյոք փոփոխվել է. «Կան ոստիկաններ, որոնք զբաղվում են իրենց գործով, հետաքննություն են անցկացնում։ Տարիներ ի վեր ձևավորվել են բազմաթիվ փայտահայտության որջեր, որտեղ կան անօրինական փայտի կուտակումներ։ Բնականաբար, այս ամեն ինչը պետք է ջրի երես հանվի»։

Հայկ Չոբանյանը կարևորեց, որ երեկ Իջևանի անցակետով աննախադեպ քանակի օրինական փայտով բեռնված մեքենա է անցել։

ՀՀ ոստիկանությունից հայտնեցին, որ ՀՀ ոստիկանապետ Վալերի Օսիպյանը Իջևանում չէ, վերադարձել է։