на Русском
Տեղի է ունենում ՀՀ ԱԺ արտահերթ նիստ․ Ուղիղ
Մեկ շաբաթում Սևանից 303 հատ ապօրինի խեցգետնաո... 
ԱՄՆ-ը սահմանափակել է Նյու Յորքում Զարիֆի տեղաշարժը
Չնայած նրան, որ ԱՄՆ-ը մուտքի արտոնագիր է տվել Իրանի արտգործանախարար Մոհամմադ Ջավադ Զարիֆին, սահմանափակել է նրա տեղաշարժը Նյու Յորքում՝ երկու երկրների հարաբերություններում աճող լարվածության ֆոնին, հաղորդում է AFP-ը:
Մի քանի շաբաթ անց այն բանից հետո, երբ ԱՄՆ-ը սպառնաց պատժամիջոցներ սահմանել Զարիֆի նկատմամբ, ԱՄՆ պետքարտուղար Մայք Պոմպեոն հայտարարեց, որ Վաշինգտոնը նրան թույլ է տվել Նյու Յորք մեկնել, սակայն արգելել է դուրս գալ Միդթաունում ՄԱԿ-ում Իրանի առաքելության 6 բլոկերի սահմաններից:
«Ամերիկացի դիվանագետներն ազատ չեն շրջում Թեհրանում, այդ պատճառով մենք եւս չենք ցանկանում, որ իրանցի դիվանագետներն ազատ շրջեն Նյու Յորքում: Զարիֆ օգտագործում է ԱՄՆ-ի ազատությունները, որպեսզի գա այստեղ եւ չար քարոզչությամբ զբաղվի»,- ասել է Պոմպեոն:
ԱՄՆ-ը՝ որպես ՄԱԿ-ին ընդունող երկիր, համաձայնություն ունի ՄԱԿ-ի գործերով արտասահմանցի դիվանագետներին վիզա տրամադրելու մասին եւ միայն հազվադեպ դեպքերում է նրանց մերժում: Զարիֆը մտադիր է ելույթ ունենալ ՄԱԿ-ի տնտեսական եւ սոցիալական խորհրդի ամենամյա նստաշրջանի շրջանակում:
Զարիֆի նկատմամբ սահմանափակումները խիստ են: Որպես կանոն՝ ԱՄՆ-ը թշնամական երկրների դիվանագետներին արգելում է դուրս գալ Նյու Յորքում Կոլումբի շրջանի սահմաններից դուրս՝ 40 կմ-ի սահմանում:
