«Այսօր չկա որևէ երաշխիք, որ նման վթար կրկին չի լինի». փորձագետը՝ հուլիսի 10-ին էլեկտրաէներգիայի լուրջ խափանումների վերաբերյալ
Հայաստանը երկրորդ ԱԷԿ-ի կարիք ունի: Հուլիսի 15-ին լրագրողների հետ հանդիպմանն այս մասին հայտնեց ԱԷԿ-ի նախկին գլխավոր տնօրեն Սուրեն Ազատյանը:
Փորձագետի խոսքով՝ ԱԷԿ-ն իր գործունակությունը ցույց տվեց 90-ականներին, երբ նորից գործարկվեց, նրա շահագործումը Հրազդանի ՋԷԿ-ի համեմատ 4 անգամ ավելի էժան է:
«Այսօր չկա որևէ երաշխիք, որ նման վթար կրկին չի լինի: Այնուամենայնիվ, անթույլատրելի է ապատեղեկատվության տարածումը մինչև համապարփակ ուսումնասիրության ավարտը՝ գործողությունների ծրագրի հետագա ներկայացմամբ: Վթարի պատճառները կարող են և լուրջ լինել և ոչ այնքան, որոնք սակայն, նույնպես կարող են նմանատիպ հետևանքների հանգեցնել», - նշեց նա:
Հիշեցնենք, հուլիսի 10-ին Operativ լրատվականը հաղորդել էր, որ ժամը 12.30-ից էլեկտրականության խափանումներ են հանրապետության տարածքում:
Այս առնչությամբ փոխվարչապետ Տիգրան Ավինյանը հայտնել էր. «Ունենք վթար էներգետիկ համակարգում։ Երևանի ՋԷԿ-ը և Հրազդանի 5-րդ բլոկը անջատված են։ Հանրապետությունով մեկ հնարավոր են անջատումներ։ Աշխատանքներ են տարվում, որպեսզի խնդիրը մինչև երեկոյան ժամը 7-ը կարգավորվի»:
Խափանվել էր նաև Երևանի Մետրոպոլիտենի աշխատանքը: Հոսանքի ընդհատման պատճառով մետրոպոլիտենի ամբողջ երկայնքով էլեկտրաէներգիայի մատակարարումը ընդհատվել էր:
Հուլիսի 12-ին լրագրողների հետ զրույցում նշեց Տարածքային կառավարման և ենթակառուցվածքների փոխնախարար Հակոբ Վարդանյանը՝ անդրադառնալով երկու օր առաջ էներգետիկ համակարգում տեղի ունեցած վթարին, ասել էր, թե՝ Այս պահին երկու վարկած կա. մեկն արտաքին, մյուսը՝ ներքին: