Ուկրաինան և Հայաստանը անհրաժեշտ են միմյանց. Իլյա Կուսա
Եկել է ժամանակը, որպեսզի Ուկրաինան Հայաստանին այլ կերպ նայի և վերաբերվի,- այս մասին AnalitikaUA.net պարբերականի թղթակցին է ասել Ուկրաինայի արտաքին և միջազգային քաղաքականության հարցերով փորձագետ Իլյա Կուսան:
Փորձագետը պարզաբանում է, որ ուկրաինա-հայկական հարաբերություններում այժմ շատ հարմար պահ է ստեղծվել մտերմանալու համար. «Ուկրաինային պետք է Հայաստանը, իսկ Հայաստանին էլ Ուկրաինան, և այդ երկու երկրների՝ հայ և ուկրաինական համայնքները կամ Սփյուռք կոչված մարմինը կարող են հիմնական դեր խաղալ այդ մերձեցման գործընթացում: Բայց դրա համար նախ և առաջ հարկավոր է պետական մոտեցում և քաղաքականություն, Սփյուռքի հետ համակարգային աշխատանք: Եթե կա քաղաքական կամք, ըստ որի կարելի է երկու երկրների Սփյուռքի միջոցով համագործակցել մշակութային ոլորտում, ի դեպ, օգտագործելով կրոնական դիվանագիտությունը ևս, ես կարծում եմ, այս ամենը հնարավոր է իրականացնել», – ասել է Կուսան:
Փորձագետը, խոսելով ՀՀ արտաքին քաղաքականությունից, պաշտոնական Երևանի քայլերը գնահատել է որպես բավական դրական և խելամիտ. դա և՛ Իրանի Հանրապետության հետ ավելի սերտ կապերի հաստատումն է, և՛ Կիպրոսի ու Հունաստանի հետ տարածաշրջանային միավորումը, ինչն իր հերթին շատ հետաքրքիր աշխարհաքաղաքական քայլ էր: Այն վկայում է, որ ՀՀ նոր իշխանությունները կարող են խաղալ այդ քաղաքական մեծ խաղը:
«Դրա հետ մեկտեղ Փաշինյանին հաջողվում է պահպանել լավ և վստահելի հարաբերությունները ՌԴ հետ: Ես կասեի՝ մեծ խաղ է ընթանում խոշոր խաղացողների հետ՝ դրանք են Արևմուտքն ու Չինաստանը, իսկ ես դա անվանում եմ կիրթ քաղաքականություն: Բայց այն պահանջում է ռեսուրսներ, և այստեղ շատ կարևոր է պահպանել հավասարակշռություն: Փաշինյանը պետք է կարողանա այդ հավասարակշռությունը պահպանելով հետևել համակարգային երկարաժամկետ քաղաքականությանը՝ 5-10 տարի հեռուն նայելով», – ասել է Կուսան:
Թարգմանությունը՝ Operativ.am