Գեղարքունիքում 42-ամյա վարորդը Mercedes-ով գլխիվայր հայտնվել է ձորակում. կա վիրավոր (լուսանկարներ)

Գեղարքունիքի մարզում, այսօր՝ հուլիսի 12-ին, ավտովթար է տեղի ունեցել. ժամը 07։30-ի սահմաններում Բյուրեղավան քաղաքի բնակիչ՝ 42-ամյա Նորիկ Խ.-ն իր վարած Mercedes մակնիշի 34 AA 088 համարանիշի ավտոմեքենայով Երեւան-Իջեւան ավտոճանապարհի 78.6 կմ հատվածում դուրս է եկել ճանապարհի երթեւեկելի գոտուց եւ գլխիվայր շրջվելով՝ հայտնվել ձորակում։

Shamshyan.com-ի հաղորդմամբ, վթարի հետեւանքով ավտոմեքենայի ուղեւոր՝ վարորդի համաքաղաքացի, 39-ամյա Ն. Ո-ն մարմնական վնասվածքներով տեղափոխվել է Սեւանի բժշկական կենտրոն։

Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Վրույր Գաբրիելյանի գլխավորությամբ։

Տեղում հետաքննչաման աշխատանքները ղեկավարել է նույն վաշտի ավագ հետաքննիչ Բակուր Սարիբեկյանը, ում կողմից փաստի առթիվ նյութեր են նախապատրաստվում։