Ռոբերտ Քոչարյանի փաստաբանը դիմել է Հայաստանի օմբուդսմենին

Երկրորդ նախագահ Ռոբերտ Քոչարյանի փաստաբան Հայկ Ալումյանը դիմել է Հայաստանի մարդու իրավունքների պաշտպան Արման Թաթոյանին՝ իր պաշտպանյալի իրավունքների կոպիտ խախտման հետ կապված։

«Խնդրում ենք օմբուդսմենին անհապաղ միջամտել, քանի որ տեղի է ունենում Ռոբերտ Քոչարյանի իրավունքների բացահայտ եւ կոպիտ խախտում»,- ասել է փաստաբանը հուլիսի 10-ին լրագրողների հետ հանդիպման ժամանակ։

Դիմումի համար առիթ է հանդիսացել այն, որ առաջին ատյանի դատարան փաստաբանների ներկայացրած միջնորդությունը գրավի դիմաց ազատ արձակելու մասին արդեն 13 օր չի դիտարկվում։ Առաջին ատյանի դատարանը միջնորդությունը դիտարկելուց հրաժարումը բացատրում է նրանով, որ չի կարող դիտարկել, քանի որ գործը Վերաքննիչ դատարանում է։ Վերաքննիչ դատարանն ասում է, որ չի կարող նյութերը հանձնել առաջին ատյանի դատարան, քանի դեռ բողոքարկման ժամկետը չի եկել։

Ինչպես նշել է փաստաբանը, օմբուդսմենը շատ ուշադիր է ձերբակալվածների իրավունքների խախտումների հանդեպ։ Հույս ունեմ, այս դեպքում եւս այդպես կլինի, նկատել է Հայկ Ալումյանը։ Նա հիշեցրել է, որ փաստաբաններն առաջին անգամ չէ, որ օմբուդսմենի ուշադրությունը հրավիրում են խախտումների վրա այս գործի շրջանակում։ Նախորդ դիմումները դրական արդյունք են ունեցել։ Հիշեցնենք, որ ավելի վաղ օմբուդսմենի միջնորդությունը լուծել էր նախկին նախագահ Քոչարյանին համակարգիչ տրամադրելու հարցը։