Ռինգո Սթարը նշում է 79-ամյակը. 10 փաստ The Beatles-ի հայտնի թմբկահարի մասին
Այսօր՝ հուլիսի 7-ին, ծննդյան 78-ամյակն է նշում բրիտանացի հայտնի երաժիշտ, The Beatles խմբի նախկին թմբկահար Ռինգո Սթարը: Նրա եւ The Beatles-ի երաժշտությունն ու հայտնի կատարումները ներկայացման կարիք չունեն, բայց երաժիշտի մասին կան փաստեր, որոնք ոչ բոլորին են հայտնի: Այսօր առանձնացրել ենք դրանցից մի քանիսը.
Ռինգոն երեխա ժամանակ անընդհատ առողջական խնդիրներ է ունեցել, ինչի պատճառով հաճախ էր բացակայում դասերից: Ռինգոյին այդպես էլ չի հաջողվում ավարտել դպրոցը:
Երաժշտությամբ նա սկսել է հետաքրքրվել 15 տարեկանում, սակայն այդ շրջանում նա չէր երազում երաժիշտ դառնալու մասին:
Ռինգո Սթարը ձախլիկ է. նա կարծում է, որ դրա շնորհիվ է ինքն իր ոճով տարբերվում մյուս թմբկահարներից:
1962 թ-ին Ռինգոն համալրում է հանրահայտ The Beatles խմբի կազմը՝ հանդես գալով որպես թմբկահար: The Beatles-ի մասին պատմող բոլոր ֆիլմերում Ռինգոյին գլխավոր դերերն էին վստահում, քանի որ շատերի կարծիքով՝ նա մյուս երաժիշտներից առանձնանում էր իր դերասանական տաղանդով:
1984-1986 թ-երին Սթարը հեքիաթասաց է եղել երեխաների համար նախատեսված՝ «Թոմասն ու ընկերները» շոուի շրջանակում:
Ռինգո Սթարը նաեւ լավ նկարիչ է: Նա մինչ օրս զբաղվում է համակարգչային դիզայնով:
Ռինգոն երբեք չէր սիրում վերաձայնագրվել: Այդ պատճառով էլ, նույնիսկ, ձայնագրման ստուդիայում երաժիշտը կենդանի էր նվագակցում The Beatles-ի մյուս անդամներին:
Իր հարցազրույցներից մեկում Ռինգոն խոստովանել է, որ երբեք չի պահել խմբի հետ կապված ոչ մի նվեր եւ աքսեսուար, ինչի համար այժմ խորապես զղջում է:
Տարիներ առաջ երաժիշտը Metropolitan արվեստի թանգարանին է հանձնել իր թմբուկներից մեկը, որը նվեր է ստացել 1964 թ-ին: Այնպես, որ՝ թանգարանում լինելիս չմոռանաք անցնել նաեւ լեգենդար թմբուկի կողքով:
1968 թ-ին Ռինգո Սթարի եւ Փոլ ՄաքՔարթնիի միջեւ վիճաբանություն է սկսվում: Աշխատանքային պրոցեսի ընթացքում Փոլը Ռինգոյին «պարզունակ թմբկահար» է անվանում, որից հետո Սթարը ժամանակավորապես լքում է խմբի կազմն ու զբաղվում դերասանական կարիերայով: Ավելի ուշ երաժիշտը սկսում է իր անհատական կարիերան: