Ճապոնիայում օտարերկրացիների համար կներդնեն անձի ճանաչման համակարգ անձնագրերը ստուգելիս

2019 թվականի հուլիսից օտարերկրացիների համար կհեշտացվի անձնագրային ստուգումը ճապոնական օդանավակայաններում շնորհիվ դեմքի ճանաչման համակարգի ներդրման։ Այս մասին չորեքշաբթի տեղեկացրել է The Japan Times թերթը։ Սքաներները կդիտարկեն անձնագրերի տվյալները եւ դրանք կնույնականացնեն պատկերի հետ, որը կտա տեսախցիկը, տեղեկացնում է ՏԱՍՍ-ը։

Դա կզբաղեցնի մոտ 15 վայրկյան, իսկ օտարերկրացի ուղեւորից կպահանջվի միայն փաստաթուղթը դնել սարքի մեջ եւ նայել խցիկին։ Նախնական գրանցում իմիգրացիոն ծառայությունում չի պահանջվի։

Սակայն նման համակարգից օտարերկրացիները կարող են օգտվել միայն Ճապոնիայից դուրս գալիս։ Բանն այն է, որ մտնելիս նրանցից պահանջում են մատնահետքերի հանձնում եւ լուսանկարվել։ Հատուկ սքաները նաեւ որոշում է, թե արդյոք օտարերկրացին բարձր ջերմաստիճան չունի։ Որոշ դեպքերում նրան կարող են խնդրել դիմել բժշկի հենց օդանավակայանում։

Առաջին սքաներները կտեղադրվեն Ճապոնիայի ամենամեծ՝ Տոկիոյի Հանեդա օդանավակայանում հուլիսի երկրորդ կեսին։ Հետո տարվա ընթացքում դրանք կհայտնվեն նաեւ երկրի մյուս օդանավակայաններում։

Հիմա անձնագրային ստուգման համար հերթում օտարերկրացինեը ստիպված են լինում ամենաշատը սպասել 30 րոպե։ Նոր սքաներների շնորհիվ դա մեկ երրորդով կարող է կրճատվել։

2018-ին Ճապոնիա են այցելել ռեկորդային թվով օտարերկրացի զբոսաշրջիկներ՝ ավելի քան 31 մլն մարդ։ Մինչեւ 2020 թվականը, երբ Տոկիոն կդառնա ամառային Օլիմպիական խաղերի հյուրընկալող երկիրը, զբոսաշրջային հոսքը, ինչպես սպասում են տեղի իշխանությունները, կավելանա՝ հասնելով մինչեւ 40 մլն մարդու։