Ֆրանս Թիմերմանսը դարձել է Եվրահանձնաժողովի ղեկավարի ամենահավանական թեկնածուներից մեկը
Հունիսի 30-ին Եվրախորհրդի նախագահ Դոնալդ Տուսկն անցկացրել է մի շարք ինտենսիվ բանակցություններ Եվրահանձնաժողովի նոր նախագահի թեկնածությունը համաձայնեցնելու համար, հաղորդում է DW-ը:
Օրվա սկզբում Տուսկը հանդիպել է Բրյուսելում Եվրահանձնաժողովում լիբերալ կուսակցության ներկայացուցիչների եւ Իսպանիայի վարչապետ, սոցիալիստ Պեդրո Սանչեսի հետ: Այնուհետեւ հաջորդել են Եվրախորհրդարանի բոլոր դաշինքների ներկայացուցիչների եւ դրա նախագահ Անտոնիո Թայանիի հետ հանդիպումները:
Մինչ այժմ Եվրահանձնաժողովի ղեկավարի պաշտոնի համար ֆավորիտ էր Քրիստոնեա-սոցիալիստական միության անդամ Մանֆրեդ Վեբերը, քանի որ նրա Եվրոպական ժողովրդական կուսակցությունը կրկին ստացել էր տեղերի մեծամասնությունը Եվրախորհրդարանում: Սակայն Ֆրանսիայի նախագահ Էմանուել Մակրոնը եւ կառավարությունների այլ լիբերալ ղեկավարները կտրականապես դեմ են Վեբերին:
Արդյունքում զգալիորեն մեծացել են նիդերլանդացի սոցիալ-դեմոկրատ Ֆրանս Թիմերմանսի հնարավորությունները: Հենց սոցիալ-դեմոկրատի, ոչ թե պահպանողականի օգտին է ներկայացել Եվրախորհրդի նախագահ Տուսկը: Միեւնույն ժամանակ որպես հատուցում Վեբերին կարող են առաջարկել Եվրախորհրդարանի նախագահի պաշտոնը, ընդ որում՝ միանգամից երկու ժամկետով, կամ Եվրահանձնաժողովի առաջին փոխնախագահի պաշտոնը:
Մինչդեռ Վիշեգրադյան խմբի երկրներ Լեհաստանը, Հունգարիան, Սլովակիան եւ Չեխիան կտրականապես դեմ են Թիմերմանսին, քանի որ նա, որպես Ժան Կլոդ Յուկերի տեղակալ, մինչ այժմ պատասխանում էր Վարշավայի եւ Բուդապեշտի դեմ իրավաբանական գործընթացներին: