«Վահե Գրիգորյանը Օվերտոնի պատուհան է բացում». ՍԴ անդամները կգրե՞ն արդյոք հատուկ կարծիք. «Հրապարակ»
«Հրապարակ» թերթը գրում է.
«Բավականին հետաքրքիր իրավիճակ է առաջացել ՍԴ-ի շուրջ` ոչ միայն «նորընտիր» ՍԴ նախագահի, այլև օրերս վերաքննիչ դատարանի` Քոչարյանի մասով կայացրած որոշման մասով: ՍԴ նախկին անդամներից մեկը կարծում է, որ Վահե Գրիգորյանն ընդամենը շոու է ապահովում. «Քաղաքագիտորեն ասած` Օվերտոնի պատուհան է բացում։
Հասկանալի է՝ հիմնական թիրախն այս պահին Ռոբերտ Քոչարյանի` օգոստոսի 29-ին ՍԴ-ում քննվելիք գործն է, սակայն ողջ աբսուրդը նրանում է, որ Գրիգորյանը չի կարող մասնակցել այդ գործի քննությանը՝ որպես շահագրգիռ կողմ, նա եղել է Մարտի 1-ի տուժողների իրավահաջորդը, և ապա` հայտնի գաղտնալսումն ապացուցում է, որ նա չեզոք անձ չէ»:
Այդ «շոուն», մեր զրուցակցի կարծիքով, մի նպատակ է հետապնդում. «Հանրության, ՍԴ-ի վրա ճնշման փորձ է, որ հանրությունը հասկանա՝ Քոչարյանն է «հավերժ մեղավորը», ՍԴ-ն և նրա անդամներն էլ իրենց «զուսպ» պահեն Քոչարյանի գործի քննության ժամանակ»:
Ի՞նչ ասել է «զուսպ»։ «Գիտեք, այս պահին արդեն ՍԴ-ում մթնոլորտը միանշանակ չէ՝ Վահեի, այսպես ասած, «ահաբեկչական շոուն» որոշակի նպատակի արդեն իսկ հասել է։ Եթե ՍԴ անդամներից որևէ մեկը հատուկ կարծիք գրի, ասենք՝ Քոչարյանի նկատմամբ կայացվելիք որոշմանն առնչվող, և համաձայն չլինի ՍԴ կայացրած որոշման հետ, ապա այն կյանքի կոչելու խնդիր է առաջանալու:
Ի դեպ, ՍԴ-ում արդեն կան նման 2 հոգի, որոնք հատուկ կարծիք են գրել` մի դեպքում Վաչագան Ղազարյանի (Սերժի Վաչոյի) ապօրինի հարստացման օրենքի հետադարձ ուժի կիրառմանը և Ռոբերտ Քոչարյանի` վճռաբեկ դատարանի նախկին որոշմանն ու կալանքին առնչվող։
Իշխանությունների հաշվարկի խորքում հատուկ կարծիքի թեզն է ընկած, եթե հանկարծ ՍԴ-ն որոշում կայացնի հօգուտ Քոչարյանի»:
Առավել մանրամասն՝ թերթի այսօրվա համարում: