Սամվել Բաբայանի գրասենյակը բաց նամակով դիմել է Բակո Սահակյանին․ Ստորագրահավաքը հատել է 23 000-ի սահմանը

Սամվել Բաբայանի գրասենյակը հանդես է եկել մամլո հաղորդագրությամբ, ըստ որի Արցախում սահմանադրության 48-րդ հոդվածի 2-րդ և 3-րդ մասերում փոփոխություն
կատարելու համար մեկնարկած ստորագրահավաքը նոր թափ է ստացել՝ հատելով
23 000-ի սահմանը, մինչդեռ ստորագրահավաքի ավարտին կա 23 օր։

Օգտվելով սահմանադրության մեջ ամրագրված իր իրավունքից արդեն 23 000 արցախցի իր հաստատուն խոսքն ասել է։ Ինչպես երեսուն տարի առաջ, այսօր ևս արցախցին
մարտնչում է , բայց արդեն իր հաղթանակները ամրագրելու օրինական սահմանադրական դաշտում։ Իսկ արցախցու փափագը, ինչպես երեսուն տարի առաջ, այսօր էլ նույնն է ու անփոփոխ՝ Մայր Հայրենիքի սահմանները իր միացումով ամբողջացնելն է, ու այդ քայլը արդեն 23 000 արցախցի արել է։

Գիտակցելով Արցախ-Հայաստան միության կարևորությունը , միմյանց հետ ինտեգրումը և դրան ուղղված այս ծանրակշիռ և իրական քայլի նշանակությունը՝ ՀՀ և ԱՀ մի խումբ մտավորականներ կոչ են արել միանալ ստորագրահավաքին՝ հանդես գալով բաց նամակով ուղղված ԱՀ նախագահին, ԱՀ ԱԺ նախագահին և ԱՀ պետնախարարին, որտեղ մասնավորապես ասվում է,որ միավորումը այլընտրանք չունի և ստորագրահավաքի այս նախաձեռնությունը հայոց միավորումն ապահովելու անհրաժեշտ ուղին է։

Մամլո հաղորդագրությանը կից ընթերցողի դատին է ներկայացվել բաց նամակ՝ ուղղված ԱՀ իշխանություններին:

Ստորև ներկայացնում ենք նաև բաց նամակն ամբողջությամբ:

ՀՀ և ԱՀ մի խումբ մտավորականների բաց նամակը ԱՀ նախագահ Պարո Բակո Սահակյանին և ԱՀ ԱԺ նախագահ Պարոն Աշոտ Ղուլյանին
ԱՀ Պետնախարար Պարոն Գրիգորի Մարտիրոսյանին

Արցախյան համաժողովրդական շարժման հիմնական նպատակը մեր Հայրենիքի մասնատված հատվածների վերամիավորումն էր մեկ ընդհանուր պետության մեջ, որն էլ կարող է ապահովել ընդհանուր Հայրենիքի բարգավաճումը, նրա հզորացումն ու անվտանգության ապահովումը: Մեր միավորման դեմ է ուղղված մեր հակառակորդի բոլոր ջանքերն ու անհաշտ պայքարը: Հենց միավորման, ընդհանուր թշնամու դեմ հայության բոլոր հատվածների համախմբումն էլ ապահովեց հաղթանակը թշնամու
նկատմամբ: Միավորումը այլընտրանք չունի: Այսօր ևս մենք կանգնած ենք միասնական լինելու խնդրի առջև: Դա օրհասական, լինել-չլինելու հարց է:

Հայոց միավորման ընթացքը ապահովելու համար անհրաժեշտ է օրենսդրական համապատասխան պայմանների ստեղծում երկու հանրապետություններում, մասնավորապես՝ Արցախի Հանրապետության Սահմանադրության 48-րդ հոդվածի 2-րդ և 3-րդ կետերում՝ հնարավոր դարձնելով ՀՀ քաղաքացիներին ևս որպես թեկնածու ընտրվելու իրավունք ունենալ Արցախի Հանրապետության նախագահական և ԱԺ
պատգամավորական ընտրություններում:

Այն անպայման կունենա բարոյական ամուր նշանակություն հայության երկու հատվածների ավելի սերտ ինտեգրման կարևոր գործընթացում: Հայաստան-Արցախ
միասնությունում կարող ուժերի ներգրավումը բխում է մեր ժողովրդի առաջ ծառացած մարտահրավերներին դիմակայելու և միասնական Հայրենիքի կերտման անհրաժեշտությունից:

Այն կհանդիսանա նախադրյալ հետագայում Հայաստան-Սփյուռք-Արցախ միավորման ողջ ներուժը լավագույնս օգտագործելու համար: Հայաստանի Հանրապետության
քաղաքացիներին Արցախի նախագահ և Ազգային Ժողովի պատգամավոր ընտրվելու իրավունք ընձեռելու նպատակով նախաձեռնվել է Արցախի քաղաքացիների ստորագրահավաք՝ Արցախի Հանրապետության Սահմանադրությունում
համապատասխան փոփոխություններ իրականացնելու և այդ փոփոխությունների ընդունման համար հանրաքվե նշանակելու խնդրանքով դիմելու Արցախի Հանրապետության Ազգային Ժողովին:

Խնդրում ենք Ձեր աջակցությունը այս հայանպաստ նախաձեռնությանը: 

ՀՀ և ԱՀ մի խումբ մտավորականներ՝ 19/06/2019

Նամակը ստորագրել են՝
Բակուր Կարապետյան; գրող, հրապարակախոս
Վլադիմիր Դավթյան; Արցախյան պատերազմի վետերան, դոցենտ
Լենսեր Աղալովյան, ՀՀ ԳԱԱ ակադեմիկոս
Շեկյան Համլետ; տ.գ.դ., պրոֆեսոր Կորյուն Կարապետյան; տ.գ.դ., բաժնի վարիչ
Սամվել Սարգսյան; ՀՀ ԳԱԱ թղթակից անդամ
Ռուբիկ Թովմասյան; տնտ. գ.թ., դոցենտ
Քամալյան Օլեգ; քիմ․. գ.դ., պրոֆեսոր
Դանիելյան Լեյնատ; Ագր. Համալսարանի պրոֆեսոր
Խաչատրյան Աղավարտ ֆմ.գ.դ., պրոֆեսոր
Վարդան Վլասյան; տ.գ.թ., դոցենտ
Թամրազյան Անահիտ; գլխավոր մասնագետ
Գրիգոր Նազարյան; տ.գ.թ., դոցենտ
Սամվել Գրիգորյան; դոցենտ
Յուրի Հովականյան; փ.գ․թ., դոցենտ
Բաղդասար Թևոսյան; տ.գ.թ., դոցենտ
Խաչատրյան Ալեքսանդր; ֆմ.գ.դ., պրոֆեսոր
Գևորգ Բաղդասարյան; ՀՀ ԳԱԱ ակադեմիկոս
Գրիգոր Ղարիբյան, ՀՀ ԳԱԱ թղթ. Անդամ
Սուրեն Մխիթարյան; ՀՀ ԳԱԱ թղթակից անդամ
Գուրգեն Ղուլղազարյան; ֆմ.գ.դ., պրոֆեսոր