Միջազգային մրցումներում Հայաստանի թիմի շահած Т – 90 տանկը մարտական ծառայություն է կրում (լուսանկարներ)

Տանկային զորամասում կարգապահությունն առաջնահերթ է։ Այս մասին ասում է տանկային զորամասի հրամանատար, փոխգնդապետ Հովիկ Գաբրիելյանը լրագրողների հետ զրույցում, որոնք մասնակցում են Հայաստանի պաշտպանության նախարարության կազմակերպած մամուլի շրջագայությանը։

«Հենց դրանից է շատ բանով կախված զորակազմի գործողությունների կարգավորվածությունը և որպես հետևանք՝ ընդհանուր գործի հաջողությունը»,- նշում է Գաբրիելյանը։

Ինչպես պարզվեց, հենց փոխգնդապետ Գաբրիելյանի հրամանատարության ներքո է հայկական թիմին հաջողվել հաղթել տանկային գումարտակի մրցումներում 2014-ին մերձմոսկովյան Ալաբինոյում։ Հիշեցնենք, որ այն ժամանակ հայկական թիմին հաջողվեց նվաճել գլխավոր մրցանակը՝ Т – 90 տանկը։ «Ուրալվագոնզավոդ» գիտաարտադրական կորպորացիա» ԲԸ արտադրած տանկը հասցվել է հանրապետություն և ընդգրկվել Հայաստանի Զինված ուժերի կազմում՝ դառնալով ՀՀ ԶՈւ Т-90 տեսակի առաջին մեքենան։ Հատկանշական է, որ ի տարբերություն մյուս թիմերի, տանկային գումարտակի հայկական անձնակազմում նաև ժամկետային ծառայողներ կային։ Տանկի վարման վարպետության և գնդացիրներից ու հրանոթներից ճիշտ նշանառության մրցումներին մասնակցում էին աշխարհի 12 երկրների ներկայացուցիչներ՝ Ռուսաստանից, Անգոլայից, Հայաստանից, Բելառուսից, Վենեսուելայից, Հնդկաստանից, Ղազախստանից, Ղրղզստանից, Չինաստանից, Քուվեյթից, Մոնղոլիայից և Սերբիայից։ Առաջին երեք տեղերը զբաղեցրին Ռուսաստանը, Հայաստանը և Չինաստանը։

Փոխգնդապետ Գաբրիելյանի խոսքով՝ կան և խնդիրներ և աշխատանքային հարցեր, դրանք բոլորը լուծվում են ամենօրյա կարգով:

«Երիտասարդ համալրումը սովորում է պրոֆեսիոնալ սպաների կողմից: Զորամասը մասնակցել է բազմաթիվ զորավարժությունների և դաշտային վարժանքների: Մեծ ուշադրություն է դարձվում տանկիստի մասնկագիտությանը և իհարկե կրակային պատրաստությանը: Անձնակազմը պատրաստ է մարտական գործողությունների լիրաժեք մասնակցությանը և հակառակորդի ոչնչացմանը», - ընդգծեց զորամասի հրամանատարը:

Ծառայության ընթացքում ձեռք բերված տանկիստի մասնագիտությունը թույլ է տալիս մեխանիկ վարորդի որակավորում ստանալ, ինչը նրանց անհրաժեշտ կլինի քաղաքացիական կյանքում: Երիտասարդ համալրումը մասնագիտությունն ընտրում է ուսումնական զորամասում և գալիս է տանկային զորամաս՝ արդեն կես տարվա ուսման պաշարով: Ավելի խորը մասնագիտական ուսուցումը և թիմում աշխատելը սովորում են արդեն զորամասում:

Հարցին՝ ինչպես է նա վերաբերում կանանց համար տանկերի վարման ուսուցման հեռանակրին՝ զորամսասի հրամանատարը կատակով ասաց.

«Դժվար հարցեր եք տալիս»:

Իհարկե, ԶԼՄ ներկայացուցիչները տանկերը բարձրանալու և զրահապատ մեքենաների և հյուրեի այցից ուրախացած երիտասարդ տանկիստների ֆոնին լուսանկարվելու հնարավարություն բաց չթողեցին: