Բաց նամակ ՀՀ վարչապետին
Հայկական առողջապահական ազգային խորհուրդը հանդես է եկել բաց նամակ-առաջարկով ՀՀ Վարչապետին: Նամակի մեջ ասված է.
«Մեծարգո պարոն Վարչապետ,
Համաձայն ՀՀ վարչապետի աշխատակազմի ղեկավարի № 02/16.10/23309-2019 հանձնարարականի՝ ՀՀ հանրային իշխանության և տարածքային կառավարման մարմինների ղեկավարները պետք է մինչև 2019թ հունիսի 17-ը յուրաքանչյուր մարմնի մասով կազմված ՄԺԾԾ-ի, ներառյալ ՀՀ 2020թ պետական բյուջեի հայտի նախագծերի, ինչպես նաև հայտերի հիմքում դրված ծախսային հաշվարկ-հիմնավորումների քննարկման նպատակով նախաձեռնել հանրային քննարկումներ, ներգրավելով նաև ՔՀԿ-ներին (ՀՀ վարչապետի 2019թ մարտի 22-ի «Հա¬յաս¬տանի Հան-րապետության 2020 թվա¬¬¬կանի բյուջետային գործընթացն սկսելու մասին» N-289-Ա որոշման հավելվածի 21-րդ կետ՝ հայտերի շուրջ ՀՀ վարչապետի մոտ քննարկումների անցկացում):
Հանձնարարականը կատարվել է բազմաթիվ կառույցների կողմից, ինչի մասին եղել են նաև հանրային հրապարակումներ :
Հայկական Առողջապահական Ազգային Խորհուրդ ՔՀԿ կոալիցիայի աշխատանքային խումբը, ուսումնասիրելով ներկայացված ծրագիրը և բյուջետային հայտերը, առաջ է քաշել մի շարք հարցեր, որոնց քննարկման համար կապ է հաստատել ՀՀ առողջապահության նախարարության պաշտոնական կայքում հրապարակված հեռախոսահամարով՝ հանդիպման օր և ժամ պայմանավորվելու նպատակով, սակայն առողջապահության նախարարությունից հորդորել են ուղարկել գրավոր առաջարկներ, ինչը կոալիցիան իրականացրել է (տե´ս կից ներկայացված փաստաթուղթը), ակնկալելով քննարկման ընթացքում ստանալ, մեր կարծիքով, հայտերում առկա խնդրահարույց հարցերի պատասխանները:
Վարչապետի հանձնարարականը կատարելու վերջնաժամկետ է հանդիսանում սույն թվականի հունիսի 17-ը, սակայն մինչ այժմ ՀՀ առողջապահության նախարարության կողմից քննարկման օր և ժամ նշանակված չէ, ինչը նշանակում է, որ նախարարությունը պատշաճ ուշադրության չի արժանացնում ՀՀ վարչապետի աշխատակազմի հանձնարարականը և անփույթ վերաբերմունք է դրսևորում օրենքով իրեն վերապահված լիազորությունների հանդեպ:
Տեղեկացնում ենք, որ «Հայկական Առողջապահական Ազգային Խորհուրդ» ՔՀԿ կոալիցիան հայտնում է իր պատրաստակամությունը` մասնակցելու ՀՀ վարչապետի կողմից հանձնարարած քննարկմանը:
Կոչ ենք անում ՀՀ վարչապետ Նիկոլ Փաշինյանին լինել հետևողական իր կողմից լիազորած և ոլորտային քաղաքականություն մշակող գերատեսչությունների ղեկավարների հաշվետվողականությանը»:
Հարգանքով,
Հայկական առողջապահական ազգային խորհուրդ
ՔՀԿ Կոալիցիայի նախագահ Գևորգ Գրիգորյան