Նյու Յորքում ուղղաթիռը մխրճվել է երկնաքերի տանիքի մեջ
Նյու Յորքում ուղղաթիռը մխրճվել է երկնաքերի տանիքի մեջ: Ինչպես հայտնում է NY Daily Post-ը, դեպքը տեղի է ունեցել Մանհեթենում 6-րդ եւ 7-րդ պողոտաների միջեւ:
Իրավապահները հայտնում են, որ վթարից անմիջապես հետո տանիքում հրդեհ է բռնկվել: Այդ շենքում ուղղաթիռի վայրէջքի համար հարթակ չի եղել: Պարբերականի աղբյուրների խոսքով՝ մեկ մարդ է տուժել:
Նյու Յորքի նահանգապետ Էնդրյու Կուոմոն հայտնել է, որ նախնական տեղեկություններով՝ ուղղաթիռը վթարային վայրէք է կատարել, սակայն պատճառը հայտնի չէ: Նա չի բացառել, որ ուղղաթիռում գտնվողները տուժել են: Շենքում տուժածներ չկան, հաղորդում է USA Today-ը:
Միեւնույն ժամանակ, CNN-ը հայտնում է մեկ զոհի մասին:
AXA Equitable Center երկնաքերում են գտնվում տարբեր ընկերությունների գրասենյակները: