ԱՊՀ գործադիր կոմիտեի ղեկավարը նշել է, թե որտեղ առաջիկայում կարող են պատերազմներ սկսվել
Պատերազմների սկսվելու սպառնալիք կա Վենեսուելայում եւ Պարսից ծոցում, այս եւ մի շարք այլ տարածաշրջաններում կոնֆլիկտային ներուժի վտանգավոր կուտակում է տեղի ունենում: Այս մասին ասել է ԱՊՀ գործադիր կոմիտեի նախագահ, ԱՊՀ գործադիր քարտուղար Սերգեյ Լեբեդեւը, հաղորդում է «ՌԻԱ Նովոստին»:
«Այսօր ամբողջ համաշխարհային հանրությունը հայտնվել է գլոբալ մարտահրավերների եւ միջազգային անվտանգության սպառնալիքների առաջ: Աշխարհի տարբեր անկյուններում միլիոնավոր մարդիկ բախվել են պատերազմի սպառնալիքին: Սիրիայում, Վենեսուելայում իրադարձությունները, ինչպես նաեև Պարսից ծոցում մեր աչքի առջեւ սրացող իրադրությունը, Իրանը, դրա վառ վկայությունն են», - ԱՊՀ երկրների պաշտպանության նախարարների խորհրդի նիստին ելույթ ունենալով՝ ասել է Լեբեդեւը:
Նրա գնահատմամբ՝ հայտնիուժային կենտրոնների ապակառուցողական գործողությունների արդյունքում միջազգային հարաբերություններում կոնֆլիկտային ներուժի վտանգավոր կուտակում է տեղի ունենում, արժեզրկվում են սպառազինությունների վերահսկման պայմանավորվածությունները եւ մեխանիզմները, ռազմականացվում է տեղեկատվական տարածությունը, լարվածության նոր օջախներ են առաջանում»:
Լեբեդեւը նշել է, որ ԱՊՀ երկրների պաշտպանության նախարարների խորհրդի նիստը տեղի ունենում բավականին բարդ միջազգային իրադրության ֆոնի վրա:
«Տարածաշրջանային եւ գլոբալ անվտանգությունն այսօր փլուզվում է ժամանակակից աշխարհում գերիշխելու, իրենց ազդեցության ոլորտը ցանկացած գնով ընդլայնելու ԱՄՆ-ի եւ ՆԱՏՕ-ի համառ փորձերի պատճառով», - ընդգծել է Լեբեդեւը: