Խոջայանը օրինապահ քաղաքացի է, վաճառող է աշխատում. հատուկջոկատայինի սպանության գործով ձերբակալվածի փաստաբան
Նախկին հատուկջոկատային Նիկիտա Բելյանկինի սպանության կասկածանքով 3 ձերբակալվածներից մեկի՝ 42-ամյա Սերգեյ Խոջայանի փաստաբանը հայտարարել է, որ գործում մեծ թվով կասկածելի պահեր կան: Խոջայանը մեղքը չի ընդունում, չնայած չի հերքում, որ այդ երեկո բարում է եղել, փոխանցում է «ՄԿ»-ն:
«Սերգեյը օրինապահ քաղաքացի է, նրա խնամքին են երեք անչափահաս երեխաները: Նա ավտոպահեստամասերի վաճառող է: Ոչ մի անգամ ոստիկանների տեսադաշտում չի հայտնվել, անգամ ոչ մի վարչական տույժ չունի»,- ասում է նրա փաստաբան Օլեգ Ժիլցովը:
Սերգեյը հաճա՞խ էր գնում այդ բար:
Ո՛չ: Նա նման հաստատությունների սիրահար չէ: Իսկ այդ օրը եկել էր ծանոթների ընկերակցությամբ մի բաժակ գարեջուր խմելու եւ ֆուտբոլային հանդիպումը դիտելու:
Ձեր պաշտպանյալը մասնակցե՞լ է ծեծկռտուքին:
Նա սպանության մեղադրանքը չի ընդունում: Գործը կասկածելի է: Նրանք, ովքեր կատարել են, փախել են, իսկ Սերգեյի մոտ խուզարկությամբ են եկել: Տեսանյությում նա է հատուկ ծառայությունների առջեւ դուռը բացում՝ տնային հագուստով, քնաթաթախ, նոր է աշխատանքից եկել: Նա չի թաքնվել: Ուստի քննության եզրահանգումները կասկածներ են հարուցում: