Իսպանիայում կայացրել են «ռուսական մաֆիայի» անդամների դեմ դատավճիռը

Իսպանիայի ազգային դատական պալատը մայիսի 30-ին կայացրել է այսպես կոչված «ռուսական մաֆիայի» ներկայացուցիչների՝ Ռուսաստանի, Վրաստանի եւ Իսպանիայի 14 քաղաքացիների դեմ դատավճիռը:

Խոսքը 2005 թվականին սկսված «Օսա» կոդային անվանմամբ գործի մասին է: DW-ի հետ զրույցում դատական պալատի ներկայացուցիչն ասել է, որ գործն ավարտված չէ, քանի որ «Տարո» մականվամբ գլխավոր կասկածյալը մինչ այժմ դատարանի առջեւ չի կանգնել:

Ամեն ինչ սկսվել է Իսպանիայում 2005 թվականաի հունիսին նախկին ԽՍՀՄ երկրներում եւ Իսպանիայում ծնված անձանց ձերբակալությունից: Մեկ օրում 28 մարդ է ձերբակալվել: Նրանց մեղադրում են «հանցավոր կազմակերպության կազմում փողերի լվացման» մեջ: «Օսա» օպերացիային 400 ոստիկան է մասնակցել: Նրանք կալանք են դրել 800 բանկային հաշիվների, բազմաթիվ առանձնատնտերի եւ 42 ավտոմեքենաների դեմ:

Օպերացիային միացել են նաեւ Գերմանիայի, Ֆրանսիայի, Մեծ Բրիտանիայի, Իսրայելի եւ Ռուսաստանի ուժայինները: Քննության նյութերում ասվում է, որ ձերբակալվածները Իսպանիայում ֆինանսական եւ շինարարական ընկերությունների, ռեստորանների եւ բարերի ցանց են ստեղծել՝ նախկին ԽՍՀՄ տարածքից ստացված փողերի լվացման համար:

2005-ին «Տարո» մականվամբ գլխավոր կասկածյալին հաջողվել էր խուսափել կալանքից,նա թաքնվել էր օպերացայի սկզբից մի քանի ժամ առաջ: Նա նույնիսկ չի հասցրել իր հետ տանել իր 12-ամյա դստերը, որն այժմ գտնվում է Իսպանիայի սոցիալական ծառայությունների խնամքի տակ:

Ռուսական աղբյուրների խոսքով՝ 2009 թվականին նա ձերբակալվել է Ռուսաստանում, 10 տարվա ազտազրկման դատապարտվել գործարարի առեւանգման համար: 2019-ին ազատ է արձակվել Օրենբուրգի գաղութից, ապա կրկին ձերբակալվել:

Գործի բոլոր մասնակիցներին Իսպանիայի դատարանը 3-6 ամսվա ազատազրկման է դատապարտվել: Նրանցից ոչ ոք չի մնա կալանքի տակ, քանի որ ժամանակին լրացել է նրանց ժամկետները: Դատավորները հաշվի են առել, որ գործընթացը «շատ է ձգձգվել» եւ «մեղմ դատավճիռներ» են կայացրել: