Գիտնականները հայտնաբերել են հինեգիպտական բուրգի դռների «բանալին»
Գիտնականները, որոնք մասնագիտացել են Հին Եգիպտոսի հետազոտություններում, վերջին պեղումների ժամանակ կարողացել են հայտնաբերել Գիզայի Մեծ բուրգի մուտքը, որն աշխարհի պահպանված հրաշալիքներից մեկն է, տեղեկացնում է Planet-today-ը։
Ավելի վաղ այդ մուտքը հետազոտողներին հայտնի չէր։ Փաստորեն այն մի ինչ-որ բավական մեծ խոռոչ է եւ գտնվում է բուրգի հյուսիսային մասում երկրի մակերեւույթից 56 ֆուտ վերեւ։ Դրա տակ մի քանի մետրի վրա բուրգի այսպես կոչված «ստորին մուտքն» է, որը փակված է քարով։ Իսկ վերեւում հայտնաբերված խոռոչը կարող է լինել «վերին մուտքը»։
Ներկայում գիտնականները նախատեսում են թույլտվություն ստանալ աշխատանքներ իրականացնելու համար, որոնք անհրաժեշտ են հայտնագործության հետագա ուսումնասիրման համար։
Նրանց խոսքով՝ նրանցից կպահանջվի ծակել քարե փակոցը, որտեղ գտնվում է հայտնաբերված մուտքը։ Իսկ հետո արդի տեսախցիկի օգնությամբ ուսումնասիրել գտնված խոռոչը։
Ինչպես կարծում է գիտական աշխատանքների ղեկավար Մեթյու Սիբսոնը, նոր մուտքի հայտնաբերումը կարող է էական ազդեցություն ունենալ նման շինությունների իսկական նշանակության մասին, որը բաց է առայսօր։
Գուցե գիտնականները ստիպված լինեն նորից գրել պատմությունը դրանց ստեղծման մասին։ Իսկ գուցե երեքհազարամյա գաղտնիքները դադարեն այդպիսին համարվել։