Օսիպյանը Վիտալի Բալասանյանի մասին
Իսկզբանե Արցախի անվտանգության խորհրդի քարտուղար Վիտալի Բալասանյանի հետ որևէ խնդիր չենք ունեցել։
Այս մասին այսօր՝ մայիսի 23-ին, լրագրողների հետ զրույցում ասաց ՀՀ ոստիկանապետ Վալերի Օսիպյանը՝ խոսելով Վիտալի Բալասանյանի մեքենան կանգնեցնելու և խուզարկելու ոստիկանության պահանջի մասին։
«Այդ միջոցառումն իրականացնելիս չենք դիտարկել, որ այնտեղ գտնվում է Վիտալի Բալասանյանը։ Վիտալի Բալասանյանը մեր տեսադաշտում անսպասելի է հայտնվել»,–նշեց ոստիկանապետը։
Նա վստահեցրեց, որ ոստիկանությունը օպերատիվ տվյալներ է ունեցել, սակայն չբացահայտեց, թե ինչ տվյալներ ենք դրան եղել։
«Այն, ինչ ոստիկանությանը հետարքրքում էր, ոստիկանությունը տեղում ուսումնասիրել է»,–նշեց Օսիպյանը։
Հիշեցնենք, որ օրերս ոստիկանությունը կանգնեցրել է մեքենան, որում եղել է Վիտալի Բալասանյանը և նրա ընկերը։ Ոստիկանները նշել են, որ օպերատիվ տվյալներ ունեն, որ զենք–զինամթերք կա մեքենայում, ուստի պետք է խուզարկեն մեքենան։ Ի պատասխան Բալասանյանը պնդեց, որ ներկայացնեն դատարանի համապատասխան որոշումը, սակայն ոստիկանները չեն ներկայացրել և խուզարկություն չի իրականացվել, կազմվել է արձանագրություն։