Միջուկային պատերազմի ռիսկերն այսօր բարձր են. ՄԱԿ-ի փորձագետ
Այսօր բարձր է միջուկային պատերազմի ռիսկը: Այս մասին հայտարարել է ՄԱԿ-ի Զինաթափման գիտահետազոտական ինստիտուտի տնօրեն Ռենատ Դվանը, հաղորդում է Reuters-ը:
Նրա խոսքով՝ միջուկային զենք ունեցող երկրները միջուկային սպառազինությունների արդիականացման ծրագրեր են իրականացնում, եւ դա «անհետաձգելի» խնդիր է:
«Այսօր սպառազինությունների վերահսկողության իրավիճակը փոխվում է, մասամբ, Չինաստանի եւ ԱՄՆ-ի միջեւ ռազմավարական մրցակցության պատճառով»,- նշել է Դվանը:
Բացի այդ, նա նշել է, որ սպառազինությունների վերահսկողության մասին ավանդական համաձայնությունները փլուզվում են պատերազմների նոր տեսակների առաջացման պատճառով:
«Կարծում եմ՝ իսկապես պետք է խոստովանենք, որ միջուկային պատերազմի ռիսկերն այժմ բարձր են՝ Երկրորդ համաշխարհային պատերազմի տարիներից ի վեր»,- հավելել է ՄԱԿ-ի Զինաթափման գիտահետազոտական ինստիտուտի տնօրենը:
Միջուկային զենքի ոչնչացման միջազգային արշավը (International Campaign of Abolish Nuclear Weapons, ICAN) 2017 թվականին Խաղաղության Նոբելյան մրցանակի էր արաժանցել: Այն մինչ օրս վավերացրել է 50 երկիր: