Փրկարարները քաղաքացիներին իջեցրել են խափանված վերամբարձ կռունկից․ նրանք 3 ժամ մնացել են օդում
ԱԻՆ 911 ծառայությունն այսօր՝ մայիսի 17-ին, ժամը 19:17-ին ահազանգ է ստացել, որ
Երևան քաղաքի Շինարարների փողոցի թիվ 18 շենքի 9-րդ հարկի մակարդակում
աշխատանքներ կատարելիս վերամբարձ կռունկը խափանվել է, քաղաքացիները մոտ 3
ժամ մնացել են կռունկի վրա․ անհրաժեշտ է փրկարարների օգնությունը։ Այս
մասին տեղեկացնում են ԱԻՆ լրատվական ծառայությունից։
Դեպքի վայր են մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ և մեկ ավտոսանդուղք:
Փրկարարները վերամբարձ կռունկից իջեցրել են Մ.Դ.-ին (ծնված 1977 թ.) և Վ.Ս.-ին (ծնված 1970 թ.):