на Русском
Կիրանցում բնակիչները շրջափակել են Ռազմական ոս... 
Պատգամավոր Գառնիկ Դանիելյանը դուրս է եկել հիվ... 
Զուր տեղը դիմում մի գրեք. Արթուր Մեսչյանը՝ ավտոտնակի հողը սեփականացնելու մասին
«Այն մոտեցումը՝ բոլորին օրենքներով, բայց ինձ ոչ, էլ չի գործում: Այդպես չի կարելի, մենք այդպես երկիր չենք կառուցի: Հիմա շատ-շատերը ինձնից բողոքում են՝ Մեսչյանը չի ստորագրում եւ այլն: Այո, չեմ ստորագրում: Լավ գլխավոր ճարտարապետը նա է, ով իրավասություն ունի ասելու ո՛չ: Այո ասող գլխավոր ճարտարապետը գլխավոր ճարտարապետ չէ: Իմ ֆունկցիան է ասել ոչ եւ ասել այո նրան, ինչը որ տրամաբանական է եւ ինչը ճիշտ է»,- այսօր հայտարարեց Երեւանի գլխավոր ճարտարապետ Արթուր Մեսչյանը՝ հրավիրված մամուլի ասուլիսի ժամանակ:
«Բայց ես այդքան լկտի չեմ, որ ամենամեծ քաղաքաշինական խնդիրները վերցնեմ միայն իմ իրավասության տակ: Ոչ թե այն պատճառով, որ վախենում եմ, այլ մի քիչ համեստ եմ»,- շարունակեց նա:
Կարեւոր քաղաքաշինական ծրագրերն, ըստ նրա, կիրագործվեն միայն քաղաքաշինական խորհրդի հավանությանը արժանանալուց հետո: Այդ մարմնի անդամների թիվն, ի դեպ, կրկնակի կրճատվել է՝ հասցվելով շուրջ 20-ի: Նոր կազմը ներկայացվել է քաղաքապետի հաստատմանը:
Գլխավոր ճարտարապետը ի գիտություն բնակիչների նաեւ տեղեկացրեց, որ ավտոտնակների հողատարածքները չեն սեփականաշնորհվելու: Հավելյալ հողատարածքներ չեն տրամադրվելու նաեւ կրպակների համար:
«Զուր տեղը դիմումներ մի գրեք եւ ժամանակ մի ծախսեք, որովհետեւ բացասական պատասխան եք ստանալու»,- ասաց Արթուր Մեսչյանը:
Նա հավելեց, որ մեծացվելու են վարչական շրջանների ղեկավարների իրավասությունները, մասնավորապես վարձակալության ժամկետների երկարաձգման, բակերի կողմից ծխնելույզերի, օդափոխության համակարգերի անցկացման թույլատրությունների վերաբերյալ որոշումները կընդունվեն վարչական շրջաններում:
